الەۋمەتتىك قىزمەتكەرلەر, مەديتسينالىق-الەۋمەتتىك مەكەمەلەر مەن حالىقتى جۇمىسپەن قامتۋ ورتالىقتارىنىڭ ديرەكتورلارى, ۇيدە الەۋمەتتىك كومەك كورسەتۋ بولىمشەلەرىنىڭ مەڭگەرۋشىلەرى, الەۋمەتتىك جۇمىس جونىندەگى ماماندار مەن كونسۋلتانتتار, جۇمىسپەن قامتۋ ورتالىقتارىنىڭ اسسيستەنتتەرى مەن كونسۋلتانتتارى بىلىمدەرى مەن قۇزىرەتتەرىن باعالاۋدان ءوتتى.
ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرلان اۋكەنوۆتىڭ توراعالىعىمەن وتكەن قر ەڭبەكمينى الەۋمەتتىك جۇمىستىڭ باسىم ماسەلەلەرى جونىندەگى ۆەدومستۆوارالىق كەڭەستىڭ كەزەكتى وتىرىسىندا الەۋمەتتىك جۇمىس جونىندەگى ۇلتتىق رەسۋرستىق ورتالىقتىڭ وكىلدەرى الەۋمەتتىك قىزمەتكەرلەردى تەستىلەۋ قورىتىندىلارىن تانىستىردى.
تەستىلەۋ 2020 جىلعى قاراشادان باستاپ 2021 جىلعى ناۋرىزعا دەيىن 2 كەزەڭدە ءوتتى: نەگىزگى تەستىلەۋ جانە ءوتۋ بالىن الا الماعاندار ءۇشىن قايتا وتكىزۋ. اتالعان ءىس-شارانىڭ ماقساتى – الەۋمەتتىك قىزمەتكەرلەردىڭ ءبىلىمىن باعالاۋ جانە ارناۋلى الەۋمەتتىك قىزمەتتەر مەن اتاۋلى الەۋمەتتىك كومەك كورسەتۋ ساپاسىن ارتتىرۋ. ءبىلىم مەن قۇزىرەتتىلىكتى باعالاۋعا بارلىعى 11,6 مىڭ ادام قاتىستى.
تەستىلەۋدەن وتۋگە 140 مينۋت ءبولىندى. وسى ۋاقىت ىشىندە الەۋمەتتىك قىزمەتكەرلەر جالپى 13 سۇراققا (ساۋالنامالىق دەرەكتەردى قالىپتاستىرۋ ءۇشىن), زاڭنامانى, كاسىبي ەتيكا نورمالارىن جانە پراكتيكالىق داعدىلاردى بىلۋگە ارنالعان 65 سۇراققا جاۋاپ بەرۋگە, سونداي-اق جەكە ەرەكشەلىكتەرىن, كوممۋنيكاتيۆتىك قۇزىرەتتىلىكتەرىن, ەموتسيالىق ينتەللەكت دەڭگەيىن جانە ەموتسيالىق كۇيزەلىستى انىقتاۋعا باعىتتالعان پسيحولوگيالىق تەست تاپسىرۋعا ءتيىس بولدى.
«الەۋمەتتىك قىزمەتكەرلەردىڭ 91%-ى ءوتۋ بالىن جينادى. مۇنداي تەستىلەۋ ەل اۋقىمىندا العاش رەت وتكىزىلىپ وتىرعاندىقتان, ەڭبەك جانە حالىقتى الەۋمەتتىك قورعاۋ مينيسترلىگى ءوتۋ بالىن جيناي الماعان تۇلعالارعا cانكتسيالار قولدانباعان, ولار ءۇشىن وقىتۋ سەمينارلارى مەن قايتا تەستىلەۋ ۇيىمداستىرىلدى», دەپ اتاپ ءوتتى ەرلان اۋكەنوۆ.
ءىس-شارانى ۇيىمداستىرۋشىلاردىڭ ايتۋىنشا, الەۋمەتتىك قىزمەتكەرلەردىڭ ءبىلىمىن تەكسەرۋدەن باسقا, تەستىلەۋ ولار تۋرالى مالىمەتتەر بازاسىن قۇرۋعا, وسى ساناتتىڭ مارتەبەسىن ارتتىرۋ جانە الەۋمەتتىك قىزمەت كورسەتۋ جۇيەسىن جەتىلدىرۋ بويىنشا ۇسىنىستار جيناۋعا مۇمكىندىك بەردى.
بۇل جوبانى قر ەڭبەكمينى قر تۇڭعىش پرەزيدەنتى–ەلباسى قورىنىڭ جانە Unicef Kazakhstan قولداۋىمەن ىسكە اسىردى.
