ساياسات • 29 ءساۋىر، 2021

قوعامدىق كەڭەستەر قىزمەتى كۇشەيتىلەدى

45 رەت كورسەتىلدى

ەلىمىزدە ازاماتتىق باستامالاردى قولداۋ جانە دامىتۋ ماسەلەلەرى بۇعان دەيىن دە از ايتىلعان جوق ەدى. ءالى دە ايتىلىپ جاتىر. مەملەكەتىمىزدى العا باستىراتىن ايقىن قادامدارعا ەڭ الدىمەن وسىنداي باستامالار قوزعاۋ بولاتىنى انىق. وسىعان بايلانىستى ورتالىق كوممۋنيكاتسيالار قىزمەتىنىڭ الاڭىندا ءباسپاسوز ءماسليحاتى ۇيىمداستىرىلىپ، بۇل باعىتتا اتقارىلىپ جاتقان بىرقاتار جۇمىس سارالاندى.

جۋرناليستەرمەن جۇزدەسۋگە اقپارات جانە قوعامدىق دامۋ ۆيتسە-ءمينيسترى بولات تلەپوۆ، پارلامەنت ءماجىلىسىنىڭ دەپۋتاتى ۆەرا كيم جانە «ازاماتتىق باستامالاردى قولداۋ ورتالىعى» باسقارماسىنىڭ ءتورايىمى ليما دياس كەلدى. سپيكەرلەر مەملەكەت پەن ۇكىمەتتىك ەمەس سەكتور ارا­سىن­داعى ديالوگتى جەتىلدىرۋ شارا­­لارى، ۆولونتەرلىك جانە قايى­رىم­دىلىق قىزمەتتى دامىتۋ، مەم­لەكەتتىك الەۋمەتتىك تاپسىرىستى قالىپتاستىرۋ جانە گرانتتىق قارجىلاندىرۋ ماسە­لەلەرى بويىنشا زاڭناماعا ازىر­لەنەتىن تۇزەتۋلەر تۋرالى بايان­دادى. بولات تلەپوۆ ءوز سوزىندە مينيسترلىك تاراپىنان مەملەكەت پەن ۇكىمەتتىك ەمەس ۇيىمداردىڭ ءوزارا ءىس-قيمىلىن دامىتۋ بويىن­شا جۇر­گىزىلىپ جاتقان جۇمىسى تۋ­را­لى ەگجەي-تەگجەيلى ايتىپ بەردى.

ونىڭ ايتۋىنشا، تاۋەلسىزدىك­تىڭ 30 جىلى ىشىندە ۇكىمەتتىك ەمەس ۇيىمدار سانى 100-دەن 22 مىڭعا دەيىن ارتتى جانە ولار الەۋمەتتىك ماڭىزى زور ماسەلەلەردى شەشۋدە ءدال قازىر-اق مەملەكەتكە سەنىمدى سەرىك­تەس بولۋعا دايار. ورتالىق ازيا­داعى مۇنداي ۇيىمدار ەڭ كوپ تىر­كەلگەن ەل – قازاقستان. سونداي-اق ب.تلەپوۆ 2021 جىلدىڭ باسى­نان قوعامدىق كەڭەستەر تۋرالى قول­دانىستاعى زاڭناماعا تۇزەتۋ­لەر كۇشىنە ەنگەنىن ەسكە سالدى.

– وسى جىلدان باستاپ ەلىمىز­دە جۇمىس ىستەپ جاتقان 237 جانە وعان قوسىمشا قۇرىلاتىن 13 قو­­عام­­­دىق كەڭەستىڭ وكىلەتتىلىگىن ەداۋىر ارتتىراتىن زاڭنامالىق وز­گەرىس­­­تەر كۇشىنە ەندى. اتاپ ايت­ساق ەندىگى جەردە قوعامدىق كەڭە­س­تەر­دىڭ 70%-دان كەم ەمەس قۇرامى، باي­­قاۋ ارقىلى سايلانا­تىن، ۇكى­مەت­­تىك ەمەس ۇيىم وكىلدەرىنەن تۇرا­­تىن بولا­دى، – دەدى ۆيتسە-مينيستر.

جاڭا وزگەرىستەرگە سايكەس، قو­عام­دىق كەڭەستەردىڭ ساپالىق جانە ساندىق قۇرامىن قالىپتاس­تى­رۋ، قوعامدىق كەڭەستەردىڭ وكى­لەت­تىكتەرىن، قۇقىقتارى مەن مىن­دەت­تەرىن كەڭەيتۋ، سونداي-اق قوعامدىق باقىلاۋ نىساندارىن رەگلامەنتتەۋ جونىندەگى شارالار كوزدەلەدى. وسىلايشا، ۆيتسە-مي­نيستر زاڭدى ىسكە اسىرۋ ءۇشىن مينيسترلىك «قوعامدىق كە­­ڭەس تۋرالى» ۇلگىلىك ەرەجەنى جانە قو­عامدىق باقىلاۋدى ۇيىم­داس­تىرۋ جانە جۇرگىزۋ قاعيدا­لارىن ازىرلەپ، بەكىتكەنىن ايتتى.

ەسكە سالا كەتسەك، قوعامدىق ك­ەڭەس­­تەر سالاسىنداعى نەگىزگى جا­ڭا­­­لىقتاردىڭ ءبىرى كۆازيمەم­لە­كەت­­تىك سەكتور سۋبەكتىلەرىندە قوعام­­دىق كەڭەستەر قۇرۋ بولىپ تا­بىلا­دى. قازىرگى ۋاقىتتا مينيستر­لىك كۆا­زي­مەملەكەت­تىك سەكتوردىڭ 13 ۇيى­مىندا قوعام­دىق كەڭەستەر قۇرۋ بو­يىنشا ادىستەمەلىك جۇمىس جۇر­­گىزۋدە. ب.تلەپوۆتىڭ ايتۋىن­شا، بۇل ولار­دىڭ قىزمەتىنىڭ قو­عام­­عا اشىق­تىعى مەن ايقىن­دى­عىن قامتا­ماسىز ەتۋگە مۇمكىن­دىك بە­­رە­­دى. مەملەكەت باسشىسىنا جىل سا­­يىن­عى نەگىزدە قابىل­دان­عان تۇ­زە­تۋ­لەر­دى ەسكەرە وتىرىپ، قوعام­­دىق كە­ڭەس­تەردىڭ قىزمەتى تۋرالى ۇلت­­تىق بايانداما ەنگىزىلەتىن بولادى.

سونىمەن قاتار بريفينگ بارىسىندا سپيكەرلەر مەملەكەت باسشىسى باستاماشىلىق ەتكەن ۆو­لونتەر جىلى اياسىندا جانە باسقا دا جۇيەلى شارالار­دىڭ ارقاسىن­دا ەلىمىزدىڭ بار­لىق وڭىرىندە ۆو­لونتەرلىك ۇيىمدار­دىڭ دا، ۆو­لونتەرلەردىڭ دە ءوسۋ قار­قىنى باي­قالاتىنىن اتاپ ءوتتى. مىسالى، ۆو­لونتەرلىك ۇيىم­دار­دىڭ سانى 3 ەسە­گە، ال تۇراقتى ۆولونتەرلەر 4 ەسەگە ءوستى. بۇگىندە قازاقستاندا 600 ۆو­لون­تەرلىك ۇيىم جۇمىس ىستەيدى، ولارعا 200 مىڭ بەلسەندى ازامات تار­تىلعان.

بريفينگ بارىسىندا مينيستر­لىكتىڭ قوعام وكىلدەرىمەن بىرلەسىپ ۆولونتەرلىك جانە قايىرىمدى­لىق قىزمەتتى ودان ءارى دامىتۋ ءۇشىن قولدانىستاعى زاڭناما­عا بىرقاتار تۇزەتۋلەر ازىرلەگەنى اتاپ ءوتىلدى.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ۇقساس جاڭالىقتار