سەسسيا جۇمىسىنا پرەزيدەنت ق.ك. توقاەۆ, ايماق اكىمدەرى – نۇر-سۇلتان, الماتى, شىمكەنت قالالارىنداعى جانە وبلىستارداعى قحا توراعالارى, ورتالىق مەملەكەتتىك ورگاندار باسشىلارى, قر پارلامەنتى دەپۋتاتتارى, قازاقستان حالقى اسسامبلەياسى مۇشەلەرى, ايماقتىق جانە رەسپۋبليكالىق ەتنومادەني بىرلەستىكتەردىڭ توراعالارى, ساياسي پارتيالار, ءدىني بىرلەستىكتەر, ۇەۇ, عىلىمي, شىعارماشىلىق ينتەلليگەنتسيا وكىلدەرى جانە باق قاتىستى. بارلىعى 550-دەن استام ادام بولدى.
سەسسيا بارىسىندا ەلباسى اسسامبلەيانىڭ الدىنا قوعامدىق كەلىسىم مەن ۇلتتىق بىرلىكتى ودان ءارى نىعايتۋ بويىنشا ناقتى مىندەتتەر قويدى.
سەسسيادا قحا مۇشەلەرى, ەتنومادەني بىرلەستىكتەرىنىڭ باسشىلارى, ايماقتاردان كەلگەن دەلەگاتتار, جۇمىسشى وكىلدەرى, سپورت, ازاماتتىق قوعام وكىلدەرى, جاستار جانە ت.ب. ءسوز سويلەدى.
اسسامبلەيا سەسسيا سوڭىندا ۇندەۋ قابىلداندى, وندا «30 جىل بۇرىن تاۋەلسىزدىككە العاش قول جەتكىزگەننەن باستاپ حالقىمىز, قازاقستاننىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ كەمەل باسشىلىعىمەن, قوعامدىق كەلىسىم مەن جالپىۇلتتىق بىرلىكتى – ەل دامۋىنىڭ باستى ۇستانىمى رەتىندە تاڭدادى. بۇل قاعيدات – تابىستى دا اۋقىمدى الەۋمەتتىك-ەكونوميكالىق رەفورمالاردىڭ, ساياسي جۇيەنى ۇزدىكسىز دەموكراتيالاندىرۋدىڭ, ۇلتتىڭ الەۋمەتتىك كاپيتالىن دامىتۋدىڭ مىزعىماس ىرگەتاسىنا اينالدى.
تاۋەلسىزدىكتى, ەلدەگى تاتۋلىق پەن كەلىسىمدى كۇشەيتۋدە ەلباسىنىڭ باستاماسىمەن قۇرىلعان قازاقستان حالقى اسسامبلەياسىنىڭ قىزمەتى ايرىقشا.
جالپىحالىقتىق ينستيتۋتقا اينالعان اسسامبلەيا – قۇندىلىقتار مەن ازاماتتىق ۇستانىمداردىڭ تۇتاستىعىن نىعايتتى جانە ورتاق ماقساتتار مەن مىندەتتەر اياسىندا ەل تۇرعىندارىنىڭ مىزعىماس بىرلىگىن قامتاماسىز ەتىپ كەلەدى. اسسامبلەيا قىزمەتىنىڭ ارقاسىندا ەلىمىزدىڭ ەتنوستىق جانە مادەني سان الۋاندىعى دامۋدىڭ جانە رەفورمالاردىڭ ماڭىزدى فاكتورىنا اينالدى.
اسسامبلەيا – بارلىق ازاماتتاردىڭ ءومىر ءسۇرۋ ساپاسىن ارتتىرۋ جانە ۇلتتىڭ ادامي الەۋەتىن نىعايتۋ, ادىلەتتى قوعام مەن ءتيىمدى مەملەكەت قۇرۋ باعىتىنداعى پرەزيدەنت قاسىم-جومارت توقاەۆ بەلگىلەگەن دامۋدىڭ جالپىۇلتتىق باسىمدىقتارىن ىسكە اسىرۋ بويىنشا جۇمىستى جانداندىرۋعا شاقىرادى.
ءبىز, تاۋەلسىزدىك پەن بىرلىكتى نىعايتا وتىرىپ, وتانىمىز – قازاقستان رەسپۋبليكاسىنىڭ تابىستى دامۋى مەن وركەندەۋىنە قول جەتكىزەتىنىمىزگە نىق سەنىم بىلدىرەمىز!» دەلىنگەن ۇندەۋدە.
