- تۇرعىن ءۇي قۇرىلىسىن دامىتۋعا 3 جىلدا 114 ملرد تەڭگە بولىنگەن بولاتىن. ونىڭ 14,2 ملرد تەڭگەسى 2018 جىلى, 26,3 ملرد تەڭگەسى 2019 جىلى, 74 ملرد تەڭگەسى 2020 جىلى ءبولىندى. باسپانا سالۋ «نۇرلى جەر» مەملەكەتتىك باعدارلاماسىنىڭ اياسىندا بيۋدجەت قاراجاتى ەسەبىنەن ىسكە اسىپ جاتىر. ەسەپتى مەرزىمدە قالا بويىنشا 3 881 پاتەردى قامتىعان 16 كوپقاباتتى تۇرعىن ءۇي كەشەنى قولدانىسقا بەرىلدى. ونىڭ ىشىندە 8-ءى 1399 پاتەردى قامتىعان ارەندالىق تۇرعىن ءۇي كەشەنى پايدالانۋعا بەرىلدى. كوپبالالى وتباسىلار مەن جاس وتباسىلار ءۇشىن 2565 ارەندالىق باسپانا ساتىپ الىندى. 2018 جىلى 635 پاتەرلى 4 تۇرعىن ءۇي كەشەنى, 2019 جىلى 1484 پاتەرلى 6 تۇرعىن ءۇي كەشەنى, 2020 جىلى 1862 پاتەرلى 6 تۇرعىن ءۇي كەشەنى پايدالانۋعا بەرىلدى, - دەدى شەنەۋنىك.
باسقارما باسشىسى بيىلعى جىلدىڭ جوسپارىن دا تانىستىرىپ ءوتتى.
«2021 جىلى 43,5 ملرلد تەڭگە يگەرۋ جوسپارلانعان. بيىل باسقارما 7793 پاتەردى ساتىپ الىپ, قولدانىسقا بەرۋدى جوسپارلاپ وتىر. ولاردىڭ جالپى اۋدانى 392 مىڭ شارشى مەتر بولماق. 10 كوپقاباتتى تۇرعىن ءۇي كەشەنىن قولدانىسقا بەرۋدىڭ ەسەبىنەن 4035 پاتەردى قولدانىسقا بەرۋ جوسپارلانعان. ال جىلجىمايتىن م ۇلىك نارىعىنان 1580 ارەندالىق پاتەر ساتىپ الۋ جوسپاردا بار. 2020 جىلى پروبلەمالىق نىساندارداعى قۇرىلىستى اياقتاۋ ءۇشىن بولىنگەن كرەديتتەردى قايتارۋ جولىندا «نۇرلى جەر» باعدارلاماسى ارقىلى كەزەكتە تۇرعاندارعا 1858 پاتەر كرەديتكە بەرىلەدى», دەدى ول.
