وتكەن تاۋلىكتە تالداما قورىتىندىسى 57 ادامدا وڭ ناتيجە كورسەتىپ, ءوسىم 0,7 پايىزدى قۇراعان. ەڭ كوپ جاعداي تاراز قالاسىندا, قورداي جانە بايزاق اۋداندارىندا انىقتالعان. بۇگىندە وبلىس ورتالىعى «قىزىل» ايماقتا. ال, تاراز شاھارىنداعى اپتالىق ءوسىم 304 ناۋقاسقا جەتىپ, 8,7 پايىزدى قۇراعان. قوردايدا بۇل كورسەتكىش 6,2 پايىزعا اينالىپ وتىر. ال, رەسپۋبليكالىق كورسەتكىش 5,6 پايىزدان اسپايدى. وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆ 27 ساۋىردەگى جاعداي بويىنشا ينفەكتسيالىق ستاتسيوناردا 897 ادام ەم الىپ جاتقانىن, ونىڭ 54-ءى جان ساقتاۋ بولىمىندە ەكەنىن جەتكىزدى. مەديتسينالىق مەكەمەلەردىڭ ماتەريالدىق-تەحنيكالىق جابدىقتالۋى مەن ءدارى-دارمەكتەرمەن قامتىلۋى بويىنشا ەشقانداي ماسەلە جوق ەكەن.
وبلىستا قازىرگى كەزدە 37 ەگۋ پۋنكتى جۇمىس ىستەۋدە. 36,7 مىڭ جامبىلدىق ۆاكتسينانىڭ ءبىرىنشى كومپونەنتىن, 9,9 مىڭ جامبىلدىق ەكىنشى كومپونەنتىن قابىلداعان. مويىنقۇم, شۋ, مەركى اۋداندارىندا جانە تاراز قالالىق №9 ەمحانادا ۆاكتسيناتسيا ءالسىز جۇرگىزىلۋدە. ءساۋىر ايىنىڭ سوڭىنا دەيىن تاعى 49,9 مىڭ ادامعا ەكپە ەگىلۋى جوسپارلانعان.
سونىمەن قاتار وبلىس بويىنشا سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى ءبايدىلدا شىناليەۆ قازىرگى تاڭدا قوسىمشا شەكتەۋلەر ەنگىزۋ تۋرالى قۇجات ازىرلەنىپ جاتقانىن ايتتى.
ونىڭ ايتۋىنشا, جاڭا شارالار بازارلاردىڭ, وبلىسارالىق اۆتوبۋس قاتىناسى مەن باسقا دا سەگمەنتتەردىڭ قىزمەتىنە اسەر ەتەدى. وسى ورايدا, وبلىس اكىمىنىڭ ورىنباسارى الماس ماديەۆ «اshyq» جوباسىنىڭ ءالسىز ىسكە اسىرىلىپ جاتقانىن اتاپ ءوتتى. ول بويىنشا تارازداعى تەك 39 كاسىپورىن عانا جۇمىس ىستەۋدە. ال, اۋدانداردا بۇل تاجىريبە مۇلدەم تاراتىلماعان.
«توتەنشە جاعدايلار دەپارتامەنتى مونيتورينگتىك توپتاردىڭ جۇمىسىنا ەشقانداي كومەك كورسەتىپ وتىرعان جوق. ولارمەن تۇراقتى بايلانىستا بولۋ ءۇشىن دەپارتامەنت باستىعى شۇعىل ماسەلەلەردى شەشۋ بويىنشا ءوز ورىنباسارىن بەكىتۋ قاجەت. تۇرعىندار اراسىندا سانيتارلىق نورمالاردى قاتاڭ ساقتاۋ قاجەتتىگى تۋرالى ءتۇسىندىرۋ جۇمىستارىنىڭ اۋقىمىن كەڭەيتۋ اسا ماڭىزدى. قوعامدىق كولىك پەن بازارلارعا ايرىقشا نازار اۋدارۋ كەرەك. مەكتەپ وقۋشىلارى مەن مۇعالىمدەر اراسىنداعى ينفەكتسيانىڭ تارالۋىن باقىلاۋدى نازارعا الىڭىزدار», دەدى بەردىبەك ساپارباەۆ.
جامبىل وبلىسى
