رۋحانيات • 28 ءساۋىر، 2021

ۇلگى بولار يگى ءىس

79 رەت كورسەتىلدى

وزگەگە قامقور بولۋدىڭ ومىر­شەڭ ونەگەسى از عانا ىس­تەن اتويلاپ كورىنىپ تۇ­را­رى بار. دەرجاۆينسك قالا­سىنداعى «گورودوك» دۇكە­نىنىڭ يەسى تاتيانا گاي­دۋكوۆا ادەمى مىسال جا­يىن­دا سۇيسىنە وتىرىپ اڭگى­مە­لەپ بەردى.

قالا تۇرعىنى تاجىبەك نۇرسەيىت ءاربىر جۇما كۇنى اتالعان دۇكەنگە كەلىپ، سورەدە تۇرعان ناننىڭ بەلگىلى ءبىر بولىگىنىڭ قۇنىن تولەپ كەتەدى ەكەن. دۇكەنشىلەر اقشاسى تولەنگەن الگى ناندى تۇ­تى­نۋشىلارعا تەگىن تاراتادى. ال ولار بولسا بەلگىسىز جومارتقا اق العىستارىن جاۋدىرادى. بۇل ارادا قالا تۇرعىندارى نانعا ءزارۋ بولىپ وتىر دەگەن وي تۋماسا كەرەك. قاي-قايسىسىنىڭ بولسىن داستارقاندارىنا ادال اس قوياتىن شاماسى بار. حالىقتىڭ كوڭىلىن تولقىتىپ وتىرعان جاي – جومارت جاننىڭ ىزگى ارەكەتى.

ول وسى ادەمى ادەتىن ءار اپتادا ءبىر رەت جاسايدى ەكەن. ورازا باستالعالى دۇكەن سورەلەرىندەگى ناننىڭ بارلىعىن ساتىپ الاتىن بولىپتى. جاقسىلىقتان قۇلاعدار بولعان ادامدار بۇل كۇندى «تەگىن نان كۇنى» دەپ اتاي باستاپتى. شىنىندا دا وزگەلەرگە ونەگە بولاتىن-اق جاي ەمەس پە؟

جومارت جاندى ىزدەپ تاپتىق. وڭتۇستىك قازاقستان وبلىسىنىڭ ماقتاارال اۋدانىنىڭ تۋماسى. شىمكەنت قالاسىنداعى مەديتسينا كوللەدجىن تامامداعاننان كەيىن جارقايىڭ اۋداندىق اۋرۋ­حا­ناسىنىڭ حيرۋرگيا بولى­مىن­دە قىزمەت ىستەيدى. نەگىزگى جۇمىسى ارقىلى ادام ءتانىن ەمدەسە، جومارتتىعىمەن جەرلەستەرىنىڭ جانىنا قۋات بەرىپ ءجۇر.

 

اقمولا وبلىسى،

جارقايىڭ اۋدانى

سوڭعى جاڭالىقتار

ۇقساس جاڭالىقتار