ءازىل-سىقاق مەرەكەسىنىڭ العاشقى كەزەڭى باستالماس بۇرىن ۇيىمداستىرۋشىلار وڭىرلىك كوممۋنيكاتسيالار قىزمەتىندە ارنايى ءباسپاسوز ءماجىلىسىن وتكىزدى.
- سەيىت اعامىزدىڭ بىزگە قالدىرعان مۇراسى وتە كوپ. ونەر فەستيۆالىن قالامگەردىڭ ساتيرا جانرىندا قالدىرىپ كەتكەن مۇرالارىن دارىپتەۋ ماقساتىندا ۇيىمداستىرىپ وتىرمىز. بۇگىنگى فەستيۆلگە ەلىمىزدىڭ ءار وڭىرىنەن ونەرپازدار كەلىپ جاتىر. ولار قوعامداعى كەلەڭسىز جاعدايلاردى كۇلكى ارقىلى كورسەتىپ, استارلى ويلارىن بىلدىرمەك, – دەدى وبلىستىق مادەنيەت باسقارماسىنىڭ باسشىسى ەرلان قالماقوۆ.
ءباسپاسوز جيىنىندا كوپەن امىربەك پەن سەيىت كەنجەاحمەتوۆتىڭ قىزى زامزاگۇل كەنجەاحمەتوۆا وبىلستىق مادەنيەت باسقارماسىنا ريزاشىلىق ءبىلدىرىپ, الداعى ۋاقىتتا ونەر فەستيۆالى نۇر-سۇلتان قالاسىندا وتسە قۇبا-قۇپ دەگەن تىلەك ايتتى.
ء«مىردىڭ وعى» العاش رەت 2019 جىلى ارقالىق قالاسىندا تۇساۋىن كەسكەن. بۇگىندە اۋقىمى كەڭەيىپ, فەستيۆالعا قاتىسۋشىلاردىڭ سانى دا ارتىپ وتىر. توبىل تورىندە جالاۋىن كوتەرگەن ساتيرا فەستيۆالىنە اقتوبە, الماتى, باتىس قازاقستان, جامبىل, ماڭعىستاۋ, قوستاناي وبلىستارىنىڭ ءازىل سىقاق تەاترلارى قاتىسادى.
