27 ءساۋىر، 2021

الماتىداعى قۇرىلىس الاڭىندا 19 جاستاعى جىگىت قازا تاپتى

348 رەت كورسەتىلدى

الەۋمەتتىك جەلىلەردىڭ بىرىندە الماتىداعى قۇرىلىس الاڭىندا 19 جاستاعى جىگىتتىڭ قايتىس بولعانى تۋرالى اقپارات تارادى. كەيىن مۇنى قالالىق پوليتسيا راستادى، دەپ حابارلايدى Egemen.kz

قۇرىلىس الاڭىنداعى ءولىم تۋرالى نۇرماقوۆ-قابانباي باتىر كوشەسىندەگى قۇرىلىسقا شاعىمدانىپ جۇرگەن «زا كومفورتنىي گورود» Instagram پاراقشاسىنىڭ اۆتورى جازدى.

«قۇرىلىس الاڭىندا 19 جاستاعى جاس جىگىتتىڭ قازا بولعانى وكىنىشتى. ءبىز ولاردىڭ قۇرىلىسى تارتىپبۇزۋشىلىققا تولى ەكەنىن بۇعان دەيىن دە جازدىق.

قارلى اۋا رايىندا دانەكەرلەۋ جۇمىستارىن جۇرگىزدى. قابانباي باتىر كوشەسىنە(بۇرىنعى كالينين) بەتون توكتى، سوسىن بارلىق كولىك بەتون بولدى. جولاۋشىلاردىڭ توبەسىندەگى تراكتور دا، ويىن الاڭىنداعى جەبەلەر، بەتوندى دا تاڭعى تورتكە دەيىن قۇيعاندى ۇناتادى.

تاعى نە بولۋى كەرەك، ايتىڭىزدارشى؟ نەگە رەيدتەر تەك بارلار مەن مەيرامحانالارعا جاسالادى. قۇرىلىس الاڭدارى شە؟ ەندى بىرەۋدىڭ ۇلى ۇيىنە ورالمايدى»، دەلىنگەن جازبادا.

الماتى پوليتسيا دەپارتامەنتى جىگىتتىڭ ولىمىنە قاتىستى قك-ءنىڭ 156-بابى «ەڭبەكتى قورعاۋ ەرەجەلەرىن بۇزۋ» بويىنشا سوتقا دەيىنگى تەرگەۋ جۇمىستارىن باستادى.

«اتالعان فاكت بويىنشا مەملەكەتتىك ەڭبەك ينسپەكتسياسى جانە كوشى-قون باسقارماسى تەكسەرۋ جۇرگىزىپ جاتىر، ونىڭ ناتيجەلەرى بويىنشا ىسكە پروتسەستىك شەشىم قابىلدانادى. مەديتسينالىق ساراپتاما دا تاعايىندالدى»، دەپ حابارلادى الماتى پوليتسيا دەپارتامەنتى وكىلدەرى.

ەسكە سالايىق، بۇعان دەيىن اتالعان قۇرىلىس الاڭىندا «ۇشىپ جۇرگەن» تراكتوردىڭ سۋرەتى جاريالانعان بولاتىن.

سوڭعى جاڭالىقتار

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

اتوم كولگە ساپار

ايماقتار • كەشە

ۇقساس جاڭالىقتار