COVID-19 پاندەمياسى جانە سوعان بايلانىستى ەنگىزىلگەن سانيتارلىق شەكتەۋ شارالارى 2020 جىلى ەلدەر اراسىنداعى ىسكەرلىك بەلسەندىلىككە اسەر ەتىپ, ناتيجەسىندە تاۋار اينالىمى 2,8 ملرد اقش دوللارى شاماسىندا بولدى.
فرانك ريەستەر بۇگىنگى تاڭدا قازاقستانمەن ۋران, مۇناي-گاز, تيتان وندىرىسىندە, ماشينا جاساۋ سالاسىندا, قۇرىلىس ماتەريالدارىن, ءدارى-دارمەك, تاماق ونىمدەرىن وندىرۋدە جانە باسقا دا سالالاردا بىرقاتار ءىرى ينۆەستيتسيالىق جوبالار ىسكە اسىرىلعانىن اتاپ ءوتتى.
سوڭعى 15 جىلدا فرانتسيا قازاقستانعا 16 ملرد اقش دوللارى كولەمىندە ينۆەستيتسيا سالعان.
كەزدەسۋ بارىسىندا مينيسترلەر ۋران ءوندىرۋ, جولاۋشىلار جانە جۇك لوكوموتيۆتەرىن شىعارۋ سالاسىنداعى ماسەلەلەردى تالقىلادى. Airbus توبىمەن بىرلەسكەن جوبالاردى ىسكە اسىرۋ جانە ىنتىماقتاستىقتى جولعا قويۋعا ۇلكەن كوڭىل ءبولىندى. جاڭارتىلاتىن ەنەرگيا كوزدەرى, اۋىل شارۋاشىلىعى جانە تسيفرلاندىرۋ سالاسىنداعى جاڭا جوبالار تالقىعا سالىندى.
كەزدەسۋ سوڭىندا تاراپتار ءبىر-بىرىنە ريزاشىلىقتارىن ءبىلدىرىپ, قازاقستان مەن فرانتسيا اراسىنداعى قارىم-قاتىناستى ودان ءارى دامىتۋدىڭ ماڭىزدىلىعىن اتاپ ءوتتى.
