ۇلى وتان سوعىسىنىڭ ارداگەرلەرى ارداقتالدى

كەشە ۇلى وتان سوعىسىنىڭ قاھارماندارى ءماجىلىس ۇيىنە كەلىپ, عيماراتتا ورناتىلعان داڭق تاقتاسىن كوردى. وندا ۇلى وتان سوعىسىن­دا ەرلىكپەن قازا تاپقان قازاق كسر جوعارعى كەڭەسىنىڭ ءبىرىنشى شا­قىرىلىم دەپۋتاتتارىنىڭ ەسىمدەرى التىن ارىپتەرمەن ويىپ جازىلعان. وسكەلەڭ ۇرپاققا بەيبىت ءومىر سىيلاعان, كەۋدەلەرى وردەن مەن مە­دال­دارعا تولى ارداگەرلەردى پار­لا­مەنت قابىرعاسىندا ءماجىلىس ءتور­اعاسى, “نۇر وتان” حدپ فراكتسيا­سى­نىڭ جەتەكشىسى ورال مۇحامەد­جا­نوۆ قارسى الىپ, قۇتتىقتاۋ ءسوز سويلەدى. ارداگەرلەر 1941-1945 جىلدار ىشىندە 1418 كۇنگە سوزىلعان سۇرا­پىل سوعىستا باستان كەشكەن وقي­عا­لارىمەن ءبولىستى, جاستارعا ىزگى تىلەگىن جەتكىزدى. قۇرمەتتى قوناقتاردىڭ ىشىندە ايدارحان بايكەن بار. ول 17 جا­سىندا ءوز ەركىمەن اسكەرگە الىنىپ, 1943 جىلى مامىر ايىندا جاۋدان ء“تىل” اكەلۋدەگى جاساعان ەرلىگى ءۇشىن ايگىلى قولباسشى باۋىرجان مو­مىش­ ۇلىنىڭ قولىنان داڭق وردە­نىن العان. وسىنداي ەكىنشى وردەندى 1944 جىلى ماۋسىم ايىندا جاۋدىڭ ارتيللەريالىق باتارەيا­سىن جويىپ جىبەرگەنى ءۇشىن العان. سۇراپىل سوعىستا ەرەن ەرلىك كورسەتكەن وزگە دە ارداگەرلەر ءومىر جولدارى مەن مايدانداستارى جايلى سىر شەرتتى. استانا قالا­لىق مەم­لەكەتتىك فيلارمونياسى مەرەكەلىك كونتسەرت قويىپ, وسى شاراعا قاتىسقان 15 ارداگەردىڭ اربىرەۋىنە جالىندى جىلداردىڭ ءانىن ارنادى. مەيماندار ارنايى جايىلعان مەرەكەلىك داستارقاننان ءدام تاتتى. بەيبىت ءومىردى ورناتقان اسىل جاندارعا ارنايى سىيلىقتار تابىس ەتىلدى. سوعىس قاھارماندارى پارلامەنتشىلەرمەن بىرگە ەسكەرت­كىشكە فوتوسۋرەتكە ءتۇستى. “ەگەمەن-اقپارات”.