«ەلوردادا 100-گە جۋىق ەگۋ پۋنكتى جۇمىس ىستەيدى. سونداي-اق, دەمالىس كۇندەرى جۇرتقا ۆاكتسينا الۋ ىڭعايلى بولۋى ءۇشىن ەلوردانىڭ «كەرۋەن« سياقتى ءىرى ساۋدا ورتالىقتارىندا ەگۋ پۋنكتتەرىن اشتىق. ءبىزدىڭ باستى مىندەتىمىز – ەلوردالىقتاردى ۆاكتسيناتسيالاۋ ءۇشىن بارىنشا جاعداي جاساۋ. سونىمەن قاتار, «Mega Silk Way«, «ابۋ دابي پلازا«, «حان شاتىر« سوو-لارىندا ەگۋ پۋنكتتەرى اشىلعانىن بىلەسىزدەر. سول سياقتى كەلەسى اپتادا قوسىمشا ەگۋ پۋنكتتەرىن اشامىز. بۇل جۇمىستىڭ ءبارى مىندەتتى تۇردە ەپيدەميولوگتاردىڭ كەلىسىمىمەن اشىلادى. مۇندا ۆاكتسيناتسيالاۋعا رۇقسات ەتىلگەن ەلوردالىق ەمحانالاردىڭ دارىگەرلەرى جۇمىس ىستەيدى. «كەرۋەن« سوو-دا №9 قالالىق ەمحانانىڭ 12 مەديتسينا قىزمەتكەرى ەكپە جاسايدى», دەدى نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ.
ونىڭ ايتۋىنشا, «كەرۋەن» سوو-داعى ەگۋ پۋنكتىنىڭ قۋاتتىلىعى شامامەن 250-300 ادامدى ۆاكتسيناتسيالاۋعا مۇمكىندىك بەرەدى. پۋنكت اشىلعان كۇنى 85 ادام ۆاكتسينا الدى. ال ەكى كۇندە 120 ادام ەگىلدى. ايتا كەتەيىك, ەلوردادا ۇجىمدىق يممۋنيتەتتى دامىتۋ ءۇشىن 600 مىڭعا جۋىق ادامدى ۆاكتسيناتسيالاۋ جوسپارلانۋدا.
ء«بىز ەلوردا تۇرعىنى ما, جوق پا, وعان قاراماستان نيەت بىلدىرگەندەردىڭ بارىنە ۆاكتسينا جاسايمىز. تەك رەسپۋبليكادا تۇراقتى تۇرمايتىن شەتەلدىكتەردى عانا ۆاكتسيناتسيالامايمىز. ۆاكتسينانىڭ جەتىسپەۋشىلىگى بىزدە بولمايدى دەپ ويلايمىن. سەبەبى جەتكىزۋدىڭ ناقتى كەستەسى بار», دەدى ت.مۇراتوۆ.
«كەرۋەن» سوو-نىڭ ەگۋ پۋنكتىنە ەلوردالىق مادەنيەت جانە ونەر قايراتكەرلەرى دە كەلدى.
«بۇگىن كوروناۆيرۋسقا قارسى ۆاكتسينانىڭ العاشقى دوزاسىن الدىم. ءوزىمدى وتە جاقسى سەزىنەمىن. ۆاكتسيناتسيا پروتسەسى تەز ءوتتى, كوپ كۇتۋگە تۋرا كەلمەدى, ءبارى جاقسى ۇيىمداستىرىلعان. وتانداستارىمدى ۇجىمدىق يممۋنيتەتتى قالىپتاستىرۋ ءۇشىن ۆاكتسيناتسياعا قابىلداۋعا شاقىرامىن», دەدى «كەرۋەن» سوو ديرەكتورىنىڭ اكىمشىلىك-شارۋاشىلىق ماسەلەلەرى جونىندەگى ورىنباسارى الماس التىنبەكوۆ.
ايتا كەتەيىك, بۇگىندە ۆاكتسينانىڭ ءبىرىنشى كومپونەنتىن 84 مىڭ استانالىق قابىلداسا, ەكىنشى كومپونەنتى 12 مىڭنان استام ادامعا سالىندى. باسقارما باسشىسىنىڭ ايتۋىنشا, ەلورداعا QazVac ۆاكتسيناسىنىڭ 6 مىڭ دوزاسى جەتكىزىلدى.
