جوبانىڭ ينۆەستورى ءباا-دەن دەۆەلوپەر «Ellington Properties Development LLC» كومپانياسى بولىپ تابىلادى, باس مەردىگەر – «Renaissance Construction» كومپانياسى. جوبانىڭ جالپى قۇنى 1 ترلن تەڭگەدەن اسادى. كەشەن اۋماعى 2,6 ملن ش.م., قوسىمشا قۇرىلىستار اۋماعى 333 گا قۇرايدى. مۇندا اۋماعى 15 مىڭ ش.م. بولاتىن اكۆاپارك, ويىندار ايماعى, ساياباقتار, تەرراسالار, كەڭسە جانە كوممەرتسيالىق ءۇي-جايلار, قوناق ۇيلەر, الەۋمەتتىك جانە تۇرعىن ءۇي ينفراقۇرىلىمى جانە ت. ب. ورنالاسادى.
جوبانىڭ ءبىرىنشى كەزەڭىن (29 گا) 2022 جىلدىڭ سوڭىندا پايدالانۋعا بەرۋ كوزدەلگەن. جوبانى ىسكە اسىرۋ بارىسىندا 21,3 مىڭ ۋاقىتشا جانە 2 مىڭ تۇراقتى جۇمىس ورنى قۇرىلادى.
ۇكىمەت باسشىسى جاڭا اۋدانعا قاجەتتى ينجەنەرلىك-كوممۋنيكاتسيالىق ينفراقۇرىلىمدى جەتكىزۋدى قامتاماسىز ەتۋدى جانە بارلىق قۇرىلىس جۇمىستارىن جوسپارلانعان مەرزىمدە ساپالى ورىنداۋدى تاپسىردى.
تەكسەرۋ ساپارىنا پرەمەر-ءمينيستردىڭ ورىنباسارى رومان سكليار, نۇر-سۇلتان قالاسىنىڭ اكىمى التاي كولگىنوۆ, يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, قارجى ءمينيسترى ەرۇلان جاماۋباەۆ, ەنەرگەتيكا ءمينيسترى نۇرلان نوعاەۆ, مادەنيەت جانە سپورت ۆيتسە-ءمينيسترى عابيدوللا ءابدىراحىموۆ جانە ت. ب. قاتىستى.
