كەزدەسۋگە قاتىسۋشىلار ەلدىڭ اگروونەركاسىپتىك كەشەنىن دامىتۋدىڭ 2021-2025 جىلدارعا ارنالعان ۇلتتىق جوباسىن ازىرلەۋدى تالقىلادى.
سەناتور ءالي بەكتاەۆ وتكەن اقپاندا پارلامەنتتىك تىڭداۋلار وتكىزىلىپ, ونىڭ قورىتىندىلارى بويىنشا ۇكىمەتكە ۇسىنىستار جىبەرىلگەندىگىن ەسكە سالدى.
«اگروونەركاسىپتىك كەشەننىڭ جاعدايى ەلدىڭ بۇكىل حالقى ءۇشىن تۇبەگەيلى ماڭىزدى. بۇل ءبىزدىڭ ەكونوميكامىزدىڭ جاعدايىنا, كۇندەلىكتى ومىرگە, حالىقتىڭ ءال-اۋقاتىنا جانە ازىق-ت ۇلىكتىڭ قول جەتىمدىلىگىنە تىكەلەي اسەر ەتەدى», - دەدى ءالي بەكتاەۆ.
اۋىل شارۋاشىلىعى ۆيتسە-ءمينيسترى رۇستەم قۇرمانوۆ سەناتورلارعا قۇجات تۋرالى ايتتى. ونىڭ ايتۋىنشا, اگروونەركاسىپتىك كەشەندى دامىتۋدىڭ ۇلتتىق جوباسى 5 باعىتتى قاراستىرادى, ونىڭ ىشىندە - مەملەكەتتىك قىزمەتتەردى دامىتۋ جانە تسيفرلاندىرۋ, سالالىق باعدارلامالار مەن يننوۆاتسيالار, رەسۋرستارمەن قامتاماسىز ەتۋ, ينۆەستيتسيالىق ساياسات جانە نارىقتى دامىتۋ, سونداي-اق ازىق-ت ۇلىك اگروونەركاسىپتىك كەشەننىڭ قاۋىپسىزدىگى.
«مەملەكەتتىك قولداۋ شارالارىنىڭ تۇراقتىلىعى مەن ساباقتاستىعىن ولاردىڭ نورماتيۆتىك كونسوليداتسياسىن ەنگىزۋ ارقىلى قامتاماسىز ەتۋ جوسپارلانۋدا. بۇل فەرمەرلەرگە ءوز قىزمەتتەرىن ۇزاق مەرزىمگە بولجاۋعا مۇمكىندىك بەرەدى», - دەدى ۆيتسە-مينيستر.
كەزدەسۋ بارىسىندا سەنات دەپۋتاتتارى ۇلتتىق ەكونوميكا, ساۋدا جانە ينتەگراتسيا, سونداي-اق تسيفرلىق دامۋ, يننوۆاتسيا جانە اەروعارىش ونەركاسىبى مينيسترلىكتەرى باسشىلىعىنىڭ ەسەپتەرىن تىڭدادى.
