شيەلى اۋدانى پوليتسيا ءبولىمىنىڭ كوشى-قون قىزمەتى بولىمشە قىزمەتكەرلەرى اۋدان كولەمىندەگى تۇرعىنداردى تولقۇجاتپەن قامتاماسىز ەتۋ باعىتىندا ناتيجەلى جۇمىستار جۇرگىزىپ كەلەدى. ولاردىڭ اراسىندا مۇلدەم قۇجات الماعاندار, جانە كەڭەس وداعىنىڭ 1974 جىلعى ەسكى ۇلگىدەگى پاسپورتىمەن جۇرگەن ازاماتتار دا كەزدەسەدى.
ولاردى انىقتاۋ, بارلىق مۇمكىندىكتى ءتيىمدى پايدالانا وتىرىپ ازاماتتاردى تەز ارادا قۇجاتتاندىرۋ باعىتىندا جوسپارلى ءىس-شارالار جۇرگىزىلۋدە.
«وسىنىڭ ناتيجەسىندە 42 جاستاعى ەر ازامات العاش رەت تولقۇجات الدى. 1979 جىلدىڭ 24 اقپانىندا دۇنيەگە كەلگەن ازامات ەشقاشان تولقۇجات الماعان. جەكە باسىن كۋالاندىراتىن قۇجاتى بولماۋىنا بايلانىستى ول بيىل اۋداندىق پوليتسيا ءبولىمىنىڭ كوشى-قون قىزمەتى بولىمشەسىنە جۇگىنگەن بولاتىن. وعان ءتيىستى مەملەكەتتىك قىزمەت كورسەتىلدى. قازىرگى تاڭدا اتالعان ازاماتتىڭ قۇقىقتىق مارتەبەسى رەتتەلدى. ول قازاقستان رەسپۋبليكاسىنىڭ جەكە كۋالىگىمەن قۇجاتتاندىرىلدى», دەدى شيەلى اۋداندىق پوليتسيا بولىمىنەن.
