الەمنىڭ 12 ەلىنىڭ ۇزدىك كوماندالارى قاتىسقان بۇل جارىستا قۇرامىندا ەكاتەرينا سيمونوۆا, ەلەنا كرىلوۆا, نارگيز بولاتوۆا, كسەنيا ماكاروۆا, ەتەري كاكۋتيا جانە ارينا مياسنيكوۆا بار ۇجىم «حايلايت» سىنىندا ۇزدىك شىعىپ, چەمپيون اتاندى. سونداي-اق ءدال وسى قۇرامدا ولار تەحنيكالىق باعدارلاما بويىنشا قولا مەدالعا يە بولدى.
ەسكە سالا كەتسەك, «حايلايت» دەپ اتالاتىن جاڭا سىن FINA تەحنيكالىق كونگرەسىنىڭ شەشىمى بويىنشا 2017 جىلدان باستاپ ارتىستىك ءجۇزۋ جارىستارىنىڭ باعدارلاماسىنا ەنگىزىلگەن بولاتىن. بىلايشا ايتقاندا, سايىستىڭ بۇل ءتۇرىن «سۋ اكروباتيكاسى» دەپ تە اتاۋعا بولادى.
سونىمەن قاتار اتالعان جارىستا قاراعاندىلىق جۇپ – كارولينا يۆانوۆا مەن ۆيكتور درۋزين دۋەتى تەحنيكالىق باعدارلامادا قولا جۇلدەنى قاناعات ەتتى.
الەمدىك دەڭگەيدەگى دودادا تولايىم تابىسقا قول جەتكىزگەن سپورتشىلار – وبلىستىق وليمپيادالىق رەزەرۆتىڭ مامانداندىرىلعان ءجۇزۋ سپورت مەكتەبىنىڭ تاربيەلەنۋشىلەرى. تەك ارالا-
رىنداعى ۆيكتور درۋزين قاراعاندىداعى ءاليا مولداعۇلوۆا اتىنداعى سپورتتاعى دارىندى بالالارعا ارنالعان مەكتەپ-ينتەرنات-كوللەدجدە وقيدى.
قاراعاندى وبلىسى
