«رەپرودۋكتيۆتى دەنساۋلىق ماسەلەلەرى بويىنشا جوبانى ىسكە اسىرۋ باستالعاننان بەرى كەڭەس بەرۋگە ارنالعان 8 800 004 05 40 بىرىڭعاي تەلەفون جەدەل جەلىسى جۇمىسىن باستادى», دەدى ن.كليۋجينا.
جوبا ىسكە قوسىلعاننان بەرى 134 ادام كومەك سۇراعان, ونىڭ 57-ءسى جەدەل جەلى تەلەفونى بويىنشا جانە 77 ادام قوعامدىق بىرلەستىك سايتى ارقىلى جۇگىنگەن. حابارلاسقانداردىڭ 53%-ى – 13-تەن 16 جاسقا دەيىنگى جاسوسپىرىمدەر مەن 36%-ى – 17-دەن 22 جاسقا دەيىنگى جاستار. ءىس-شاراعا اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتىنىڭ توراعاسى شاحماردان بايمانوۆ قاتىستى.
«رەپرودۋكتيۆتى دەنساۋلىق تاقىرىبى بويىنشا جاستاردى حاباردار ەتۋ ماڭىزدى. وسى ماسەلەگە بايلانىستى اقپارات جانە قوعامدىق دامۋ مينيسترلىگى مەن جاستار جانە وتباسى ىستەرى كوميتەتى وسىنداي سۇرانىسپەن گرانت بولۋگە باستاما كوتەردى. ءبىز بۇل جوبانى جۇزەگە اسىرۋعا كومەكتەسەمىز. سەبەبى الداعى ماقساتتاردىڭ ماڭىزدىلىعىن تۇسىنەمىز», دەدى ش.بايمانوۆ.
ءباسپاسوز كونفەرەنتسياسى بارىسىندا وڭىرلەردە جانە رەسپۋبليكالىق ماڭىزى بار قالالاردا جاس انالار مەن جۇكتى ايەلدەرگە ەمشەك ءسۇتىنىڭ ماڭىزدىلىعى مەن بىرەگەيلىگى, بوسانعاننان كەيىن قالپىنا كەلتىرۋ داعدىلارىنا ۇيرەتۋ ماسەلەلەرى بويىنشا مارافون جوسپارلانعانى بەلگىلى بولدى. سونداي-اق رەپرودۋكتيۆتى دەنساۋلىق ماسەلەلەرى بويىنشا مامانداردى تارتۋ جۇمىستارى باستالدى. مىسالى, 16 ساۋىردە 20 مەكتەپتە 9-11 سىنىپتاردىڭ 100 وقۋشىسىنا جانە ەكى كوللەدج ستۋدەنتتەرى ءۇشىن جوبا ساراپشىسى, مەديتسينا عىلىمدارىنىڭ كانديداتى, اكۋشەر-گينەكولوگ جانەركە اجەتوۆا العاشقى ونلاين ساباق وتكىزدى.
جوبا ازاماتتىق باستامالاردى قولداۋ ورتالىعىنىڭ قولداۋىمەن جۇزەگە اسىرىلۋدا.
