ەكونوميكا • 23 ءساۋىر، 2021

ەلەكتروندى كوممەرتسيانى دامىتۋعا باعىتتالعان جوبا

59 رەت كورسەتىلدى

ەۋرازيالىق ەكونوميكالىق وداققا مۇشە مەملەكەتتەر سىرتقى ەلەكتروندى ساۋدانى دامىتۋعا ارنالعان قاناتقاقتى جوبانى ىسكە اسىرۋدى جوسپارلاپ وتىر. بۇل تۋرالى ساۋدا جانە ينتەگراتسيا مينيسترلىگىنىڭ ءباسپاسوز قىزمەتى حابارلادى.

جاۋاپتى ۆەدومستۆوعا قاراستى تسيفر­لاندىرۋ دەپارتامەنتىنىڭ اقپا­راتىنا سۇيەنسەك، بۇل جوبا تولەمدەر مەن بارلىق كەدەندىك وپەراتسيانى جەڭىل­دەتىپ، سونداي-اق تۇتىنۋشىلارعا كور­سەتى­لەتىن قىزمەت ساپاسىن جاقسار­تۋعا ارنالعان. بۇعان قوسا ەلەكتروندى ساۋدا وپەراتورى ينستيتۋتىنىڭ ەنگىزىلۋى كەدەندىك اكىمشىلىك شارالاردى جەدەلدەتىپ، ينتەرنەت ساۋداداعى راسىمدەردى وڭتايلاندىرۋى ءتيىس.

ساۋدا جانە ينتەگراتسيا ۆيتسە-ءمي­نيسترى اسەل جاناسوۆانىڭ ايتۋىنشا، ۋاكىلەتتى وپەراتور تاۋارلاردى دەكلاراتسيالاپ، كليەنتتەردىڭ ورنىنا كەدەندىك تولەمدەردى تولەيتىن بولادى.

«قاناتقاقتى جوبانى بيىل شىلدەدەن باستاپ، 2022 جىلدىڭ جەلتوقسانىنا دەيىن جۇزەگە اسىرۋ ۇسىنىلىپ وتىر. وسى ارالىقتا ەاەو اۋماعىندا سىرت­قى ەلەكتروندى ساۋدانى رەتتەۋ سالاسىن­داعى نورماتيۆتىك-قۇقىقتىق بازانى قالىپ­­تاستىرۋعا مۇمكىندىك تۋادى. سون­داي-اق وسى جوبانىڭ اياسىندا ىشكى تۇتى­نۋ نارىعىنداعى تاۋارلار تاسىمالىن ءتيىستى مەكەنىنە دەيىن جەتكىزۋ ءۇشىن كە­دەن قويماسىنا ەلەكتروندى ساۋدا تاۋار­لارىن ورنالاستىرىپ جىبەرۋ تەتىگى سىناق رەتىندە پىسىقتالادى»، دەدى ۆيتسە-مينيستر.

دەمەك، جەكە تۇلعالارعا ارنالعان ەلەكتروندى تاۋار ساۋداسىن دامىتۋ ماقساتىندا بوند قويمالارىنىڭ (Bonded warehouse - اكەلىنگەن تاۋاردى كەدەندىك باج، قوسىلعان قۇن سالىعى مەن اكتسيزسىز، سونداي-اق ليتسەنزيالاۋ مەن كۆوتانى قولدانباي كەدەندىك باقىلاۋدا ساقتاۋعا مۇمكىندىك بەرەتىن ورتاق قويما) مودەلىن پايدالانۋ مۇمكىندىگى قاراستىرىلادى. وسى امال ەاەو-عا مۇشە مەملەكەتتەرگە بوند قويمالارىنىڭ ينستيتۋتىن رەتتەپ، جۇمىسىن جولعا قويۋ بويىنشا تاجىريبە الماسۋعا جول اشادى دەدى مينيسترلىك وكىلدەرى.

«بوند قويمالاردى پايدالانۋ تەتىگىن جەتىلدىرۋ بيزنەسكە قولايلى جاعداي تۋدىرىپ، قازاقستانعا ءىرى ويىنشىلاردى تار­تۋعا سەپتەسەدى. سونىمەن قوسا بوند قوي­­مالارىنىڭ اسسورتيمەنتىن تولىق­تىرۋ­عا قىتايدان جانە باسقا دا ەل­دەردەن تۇ­راق­تى لوگيستيكالىق باعىت­تاردى قام­تا­ماسىز ەتۋگە مۇمكىندىك بەرەدى»، دەدى تسيفر­لاندىرۋ دەپارتامەنتىنىڭ ماماندارى.

سالا وكىلدەرى ايتقانداي، مۇنداي قوي­مانىڭ مودەلىن دامىتۋ قولدانىستاعى ينفرا­قۇرىلىمدى ءتيىمدى پايدالانىپ، ۇلتتىق تاسىمالداۋشىلاردى (اۆيا/اۆتو) تۇراقتى جۇك اعىندارىمەن قامتۋ­مەن بىرگە تاپسىرىستاردى وڭدەۋ ءۇشىن قوسىمشا جۇمىس ورىندارىن قۇرۋدى قامتاماسىز ەتەدى.

تۇتاستاي العاندا، وسى ارقىلى ساتىلاتىن تاۋارلار اسسورتيمەنتى مەن ساناتتارىن كەڭەيتىپ، ونلاين-سايتتارداعى ساۋدا كولەمىن كوبەيتۋ جانە جەتكىزۋ مەرزىمىن نىسانالى نۇكتەسىنە دەيىن قىسقارتۋ كوزدەلىپ وتىر.

سوڭعى جاڭالىقتار

Atmaca زىمىرانى سىناقتان ءساتتى ءوتتى

تەحنولوگيا • بۇگىن، 18:35

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار