«ۆيرۋسولوگيا», «روبوتوتەحنيكا», كرەاتيۆتى ەكونوميكاعا بايلانىستى ماماندىقتار, عىلىمدار توعىسىنداعى ءتۇرلى ماماندىقتار پايدا بولدى. بيىل بيوتەحنولوگتارعا, بيولوگتارعا, سونداي-اق ۆاكتسينولوگيا سالاسىنداعى ماماندارعا كوپ كوڭىل بولىنۋدە. ماماندىقتاردىڭ 7 بلوگىنىڭ ىشىنەن «يننوۆاتسيالار جانە جاڭا تەحنولوگيالار» ءبولىمىن ەرەكشە اتاپ وتكىم كەلەدى. بۇل بلوكتا ەكونوميكاداعى جاڭا سالالاردى قۇرۋعا جانە قولدانىستاعى سالالارداعى ەلەۋلى پروگرەسكە ىقپال ەتەتىن يننوۆاتسيالىق ماماندىقتاردى دايىنداۋ بويىنشا بارلىق باعىتتار بىرىكتىرىلگەن», دەدى ءبىلىم جانە عىلىم ۆيتسە-ءمينيسترى ميراس داۋلەنوۆ ورتالىق كوممۋنيكاتسيالار قىزمەتىندە وتكەن بريفينگتە.
بۇل ءتىزىم مەملەكەتتىك ورگاندار مەن ءتۇرلى ۇيىمداردىڭ وتىنىمدەرى نەگىزىندە, سونداي-اق ەلدىڭ ەڭبەك نارىعى قاجەتتىلىكتەرىنىڭ ورتا مەرزىمدى بولجامىن ەسكەرە وتىرىپ ازىرلەندى. اشىقتىق ماقساتىندا تىزبە ارنايى كوميسسيامەن قارالىپ, بەكىتىلدى.
2021 جىلى «بولاشاق» باعدارلاماسى بويىنشا وقۋعا 1055 ستيپەنديا بولىنگەن بولاتىن. ونىڭ ىشىندە 555 ستيپەنديا ماگيستراتۋرا, رەزيدەنتۋرا, دوكتورانتۋرا باعدارلامالارى بويىنشا بولىنگەن, ال 500 ستيپەنديا «عالىمدار» تاعىلىمدامالارىنىڭ جاڭا ساناتى بويىنشا بەرىلەدى. بۇل سانات پرەزيدەنتى قاسىم-جومارت توقاەۆتىڭ تاپسىرماسىنا سايكەس قۇرىلعان بولاتىن.
