ايماقتار • 22 ءساۋىر، 2021

جامبىل وبلىسىندا كولىك ۇرلىعى 40 پايىزعا ازايعان

24 رەت كورسەتىلدى

كولىك ۇرلىعى ەلىمىزدەگى ەڭ كۇردەلى ماسەلەنىڭ ءبىرى. سونىمەن قاتار، قىمبات كولىكتەردىڭ ءتۇرلى بولشەكتەرىن ۇرلاۋ دا قوعام ءۇشىن قاۋىپتى قۇبىلىس بولىپ وتىر. مۇنداي ماسەلە جامبىل وبلىسىندا دا بار. الايدا، 2021 جىلدىڭ ءۇش ايىندا وڭىردە كولىك ۇرلىعى وتكەن جىلدىڭ وسى كەزەڭىمەن سالىستىرعاندا 40 پايىزعا ازايعان.

جامبىل وبلىستىق پوليتسيا دەپارتامەنتىنىڭ باستىعى، گەنەرال-مايور جانات سۇلەيمەنوۆتىڭ ايتۋىنشا، اتالعان قىلمىس ءتۇرى جۇرگىزىلگەن كەشەندى جەدەل-پروفيلاكتيكالىق ءىس-شارالاردىڭ ناتيجەسىندە تومەندەگەن. بىراق، ءوڭىردىڭ باس پوليتسەيى وبلىس تۇرعىندارىنا ساقتىق شارالارىن ۇمىتپاۋ كەرەكتىگىن ەسكەرتەدى.

«كوبىنەسە اۆتوكولىكتەر تۇنگى ۋاقىتتا تۇرعىن ۇيلەردىڭ ماڭايىنداعى تۇراقتاردا ۇرلانادى. قىلمىسكەرلەر كولىككە ەسىگىن بۇزۋ نەمەسە تەرەزەسىن سىندىرۋ ارقىلى كىرەدى. ماسەلەن، جۋىردا تاراز قالاسىنىڭ تۇرعىنى ءۇيىنىڭ جانىندا تۇرعان كولىگىنىڭ ۇرلانعانى تۋرالى حابارلادى. وقيعا ورنىنا كەلگەن جەدەل-تەرگەۋ توبى قىلمىسكەرلەردىڭ كولىك سالونىنا ەسىكتى بۇزۋ ارقىلى كىرگەنىن انىقتادى. پوليتسەيلەر ءىزىن سۋىتپاي تارازدىق ەكى تۇرعىندى قولعا ءتۇسىردى. ولار ءوز كىناسىن تولىق مويىندادى. كۇدىكتىلەر اۆتوكولىكتى بولشەكتەپ ساتۋدى جوسپارلاعان. وسى ورايدا، اۆتوكولىكتەردى ۇرلاۋعا جول بەرمەۋ شارالارى تۋرالى ەسكە سالعىم كەلەدى»، دەيدى جانات سۇلەيمەنوۆ.

سونداي-اق، گەنەرال-مايور تۇرعىندارعا كولىكتى ۇرلىقتان قورعاۋدىڭ بىرنەشە ءادىسى بار ەكەنىن ايتادى. «ايداپ اكەتۋگە قارسى جۇيە مەن دابىل قۇرىلعىسىن ورناتىڭىز. كەشكە جانە تۇندە اۆتوكولىكتەردى جاقسى جارىقتاندىرىلعان ورىندارعا جانە كورىنەتىن جەرلەرگە قويۋ كەرەك. اقىلى كۇزەتىلەتىن تۇراقتاردى قولدانىڭىز. كولىكتە قىلمىسكەرلەردىڭ نازارىن اۋداراتىن زاتتاردى قالدىرماڭىز»، دەيدى ول.

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار