«قازاقستاندىق ۆاكتسينانىڭ جاسالۋى ءبىزدىڭ ەلىمىزدىڭ كوروناۆيرۋس ينفەكتسياسىنا قارسى ءوز ۆاكتسينالارىن ازىرلەگەن الەمنىڭ بەس ەلىنىڭ قاتارىنا ەنۋىنە مۇمكىندىك بەردى. بۇل تەك حالىقتىڭ دەنساۋلىعىنا عانا قاتىستى ماسەلە ەمەس, سونداي-اق وتاندىق عىلىمنىڭ الەۋەتى مەن بيوفارماتسەۆتيكادا زاماناۋي تەحنولوگيالاردى ءىس جۇزىندە قولدانۋدىڭ, مەملەكەتتىڭ بەدەلىنىڭ دالەلى», دەدى ەرالى توعجانوۆ.
وتكەن جىلدىڭ قازان ايىندا قازاقستان پرەزيدەنتى قاسىم-جومارت توقاەۆ وتاندىق ۆاكتسينانى جاساۋ بويىنشا ناقتى تاپسىرمالار بەرگەن بولاتىن.
ۆيتسە-پرەمەر مەملەكەت باسشىسىنىڭ قازاقستاندىق ۆاكتسينانى شىعارۋ جونىندەگى بارلىق تاپسىرمالارى ۇكىمەتتىڭ ەرەكشە باقىلاۋىندا ەكەنىن جانە ۆاكتسينانىڭ ءبىرىنشى پارتياسىنىڭ بۇگىنگى شىعارىلۋى ولاردىڭ ءىس جۇزىندە ورىندالعانىن ايعاقتايتىنىن اتاپ ءوتتى.
«QazVac» ۆاكتسيناسىنىڭ العاشقى 50 مىڭ دوزاسى «سق-فارماتسيانىڭ» حابتارىنا تاراتىلىپ, ودان ءارى ەلىمىزدىڭ بارلىق وڭىرلەرىندەگى دەنساۋلىق ساقتاۋ باسقارمالارىنىڭ قويمالارىنا جەتكىزىلەتىن بولادى.
بيىل 26 ساۋىردە حالىقتى «QazVac» ۆاكتسيناسىمەن ۆاكتسيناتسيالاۋ باستالادى. مامىر ايىندا 50 مىڭ دوزا كولەمىندەگى ۆاكتسينانىڭ كەزەكتى پارتياسىن شىعارۋ جوسپارلانۋدا. بۇدان ءارى ۆاكتسينا ءوندىرىسى كەزەڭ-كەزەڭمەن ايىنا 500-600 مىڭ دوزاعا دەيىن ۇلعايتىلاتىن بولادى.
وتاندىق ۆاكتسينا دۇنيەجۇزىلىك دەنساۋلىق ساقتاۋ ۇيىمىنىڭ تىزىلىمىنە ەنگىزىلگەن. ونىڭ تولىق قاۋىپسىزدىگى دالەلدەندى, ۆاكتسينا كوروناۆيرۋس ينفەكتسياسىنا قارسى تۇراقتى يممۋنيتەتتى قالىپتاستىرادى. يناكتيۆتەندىرىلگەن ۆاكتسينانىڭ ارتىقشىلىعى, ول ۆاكتسينامەن بايلانىستى اۋرۋلاردى تۋدىرمايدى. بۇدان باسقا, «QazVac» ۆاكتسيناسىن جەتكىزۋ ادىستەرى كۇردەلى توڭازىتقىش قوندىرعىلارىن تالاپ ەتپەيدى, ولار توڭازىتقىشتا +2-8 گرادۋس تەمپەراتۋرادا تاسىمالدانادى.
سونداي-اق, ە. توعجانوۆ جۇمىس ساپارى كەزىندە بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى جانىنداعى بيوفارماتسەۆتيكا زاۋىتىنىڭ قۇرىلىسى بارىسىمەن تانىستى. قازىرگى ۋاقىتتا وندا قۇرىلىس-جوندەۋ جانە ارلەۋ جۇمىستارى اياقتالدى. ينجەنەرلىك جەلىلەرگە قوسۋ ارقىلى جابدىقتاردى مونتاجداۋ, قوسۋ-باپتاۋ جانە ىسكە قوسۋ بويىنشا جۇمىستار جۇرگىزىلۋدە. بيىل ناۋرىزدا زەرتتەۋدىڭ GMP ستاندارتتارىنا سايكەستىگى تۋرالى وڭ قورىتىندىسى (DQ) الىندى.
كەلەسى قادام – ۆاليداتسيانى جۇزەگە اسىرۋ جانە GMP حالىقارالىق ستاندارتىنىڭ سەرتيفيكاتىن الۋ. وسى ماقساتتار ءۇشىن «اتاباي» تۇرىك كومپانياسى تارتىلدى. وبەكتىنى ارالاۋ قورىتىندىسى بويىنشا ۆيتسە-پرەمەر وعان وڭ باعا بەرىپ, مەملەكەت باسشىسىنىڭ تاپسىرماسىنا سايكەس وتاندىق ۆاكتسينا وندىرەتىن زاۋىت قۇرىلىسى بەلگىلەنگەن مەرزىمدە جۇرگىزىلىپ جاتقانىن اتاپ ءوتتى.
بيوفارماتسەۆتيكا زاۋىتى ىسكە قوسىلعاننان كەيىن ونىڭ بازاسىندا «QazVac» ۆاكتسيناسىن ءوندىرۋ جالعاسادى.
