پىكىر • 22 ءساۋىر، 2021

«جاس مامان» جاستارعا جول اشادى

17 رەت كورسەتىلدى

ەلىمىزدىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ جاستار جىلىنىڭ اشىلۋ سالتاناتىندا بەرگەن تاپسىرماسىنا سايكەس «جاس مامان» جوباسى جۇزەگە اسىرىلۋدا. ونىڭ قازىرگى زامانعا ساي بىلىكتى، باسەكەگە قابىلەتتى ماماندار دايارلاۋداعى ءرولى زور. بۇل جوبا تەحنيكالىق جانە كاسىپتىك ءبىلىم بەرۋ جۇيەسىنە ۇلكەن قولداۋ كورسەتتى دەپ ايتۋعا بولادى.

ەڭبەك نارىعىندا سۇرانىسقا يە مامانداردى دايارلاۋ، كوللەدجدىڭ ماتەريالدىق-تەحنيكالىق بازاسىن جاقسارتۋ جانە وقىتۋشىلاردىڭ قۇ­زىرەتىن ارتتىرۋ ءۇشىن ح.وزبەك­عا­ليەۆ اتىنداعى ماڭعىستاۋ پولي­تەح­نيكالىق كوللەدجى «جاس مامان» جوباسىنا 2020 جىلى «توكار­لىق ءىسى جانە مەتالل وڭدەۋ»، «دان­ە­كەر­لەۋ تەحنولوگياسى» جانە «IT» قۇزىرەتتىلىكتەرى بويىنشا قاتىسىپ، وقۋ ورنىنىڭ بازاسىنا ماماندىقتار بويىنشا الەمدەگى وزىق تەحنولوگيالاردى قولداناتىن سوڭعى ۇلگىدەگى زاماناۋي جابدىقتار ساتىپ الىندى.

كوللەدجدى جاراقتاندىرۋعا ارنال­عان جابدىقتاردىڭ ءتىزىمى جۇمىس بەرۋشىلەردىڭ تالاپتارى، كاسىپتىك جانە WorldSkills ستاندارتتارىنا سايكەس جاسالدى. جابدىقتاردى ساتىپ الۋ قازاقستان رەسپۋبليكاسى­نىڭ مەملەكەتتىك ساتىپ الۋ تۋرالى قولدانىستاعى زاڭناماسىنا سايكەس اشىق كونكۋرس تاسىلىمەن جۇزەگە اسىرىلدى.

جاڭا جابدىقتار بويىنشا كول­لەدجدىڭ ارنايى ءپان وقىتۋشىلارى مەن وندىرىستىك وقىتۋ شەبەرلەرى وقى­تۋدان ءوتتى. قازىرگى تاڭدا كوللەدجدە وسى مامان­دىقتار بويىنشا ءبىلىم بەرۋ باعدارلامالارىنا جۇمىس بەرۋ­شىلەردىڭ تالاپتارىن ەسكەرە وتىرىپ، قولدانىستاعى وقۋ جوسپارلارىنا ينتەگراتسيالاناتىن كاسىبي مودۋلدەر­دى ازىرلەۋ جۇمىستارى جۇرگىزىلۋدە. اتالعان ماماندىقتار بويىنشا كوللەدجدە كادرلاردى دايارلاۋدىڭ حالىقارالىق ستاندارتتارىن ەنگىزۋ ءۇشىن شەتەلدىك سەرىكتەستەر تارتىلادى. شەتەلدىك سەرىكتەسپەن بىرلەسىپ كادرلاردى دايارلاۋ باعدارلامالارى جاڭارتىلىپ، وقىتۋشىلاردى ازىرلەۋ جانە وقۋ ورنى مەن مەنەدجمەنت پروتسەستەرىن جەتىلدىرۋ بويىنشا جۇ­مىستار ۇيىمداستىرىلۋدا.

سونداي-اق كوللەدج بازاسىندا «جاس مامان» جوباسى اياسىندا «CAD ينجەنەرلىك گرافيكاسى»، «جەلى­لىك جانە جۇيەلىك اكىمشىلەندىرۋ»، «مەحاترونيكا»، ء«موبيلدى روبوتتەحنيكا»، «ينتەرنەت-زاتتار»، «پروتوتيپتەۋ»، «IT-باعىتتارى» جانە «توكارلىق ءىسى جانە مەتال­ل وڭدەۋ»، «دانەكەرلەۋ تەحنولوگياسى» ماماندىقتارى بويىنشا ءوڭىر ءۇشىن قۇزىرەتتىلىك ورتالىقتارى اشىل­دى. ول ورتالىقتار WorldSkills حا­لىق­ارالىق ستاندارتتارى بويىنشا تسيفر­لى تەحنولوگيالار جونىندەگى جاتتىعۋ لاگەرىنىڭ الاڭى، سونداي-اق كاسىپتىك باعدارلاۋ جانە قىزمەتتىك جىلجۋ ورتالىعى جانە WorldSkills چەمپيوناتتارى­نا قاتىسۋ­شىلاردى دايىنداۋ الاڭ­دارى بولادى.

قۇزىرەتتىلىك ورتالىقتارى ۇزدىك، الەمدىك ستاندارتتار مەن تاجىريبەگە جانە WorldSkills ستاندارتتارىنا ساي ەڭبەك نارىعىنا مىقتى دايىندالعان كادرلاردى شىعارۋعا مۇمكىندىك بەرەدى.

وڭىردە جۇمىسسىزدىق ماسەلە­لەرىن شەشۋگە نەگىز بولۋ ماقساتىندا قۇزىرەتتىلىك ورتالىقتارىندا تاجى­ريبەلى نۇسقاۋشىلارمەن جانە زاماناۋي جابدىقتاردى تالاپ ەتىلەتىن ماماندىق داعدىلارىن وقىتۋ بو­يىنشا قىسقا مەرزىمدى كۋرستار وت­كىزۋ جوسپارعا قويىلىپ وتىر.

سونداي-اق ەلىمىزدە سالالىق حا­­لى­ق­­ارالىق ستاندارتتاردىڭ ەن­گىزىلۋىنە بايلانىستى كاسىپورىن­داردىڭ جۇ­مىس ىستەپ جۇرگەن قىز­مەتكەرلەرىن ولار­دىڭ تالاپتارىنا سايكەس وقىتۋ جانە قايتا دايارلاۋ بولىگىندە كاسىپورىن­دار­مەن ءوزارا ءتيىمدى ىنتىماقتاس­تىق ورناتىلادى. بۇل كوللەدجىمىزگە وقۋ-ترەنينگ ورتالىعى رەتىندە قىز­مەت ەتۋگە مۇمكىندىك بەرەدى. وسىلايشا، كول­لەدج­دىڭ ودان ءارى دامۋىنا قاجەت قوسىم­شا بيۋدجەتتەن تىس كىرىستى قام­تاماسىز ەتەدى.

بۇعان قوسا ساتىلىپ الىنعان زاماناۋي جابدىقتار ارقىلى جاڭا فورماتتاعى مەملەكەتتىك قورىتىندى اتتەستاتتاۋ WorldSkills ستاندارتتارىنا سايكەس دەمونستراتسيالىق ەمتيحاندار تۇرىندە وتكىزىلەدى، وندا ءبىلىم الۋشىنىڭ WorldSkills ستاندارتتارىنا سايكەس بەلگىلى ءبىر سالادا كاسىبي ءىس-ارەكەتتەردى جۇرگىزۋگە نەمەسە ءوز ماماندىقتارى بويىنشا جۇمىستاردى ورىنداۋ بويىنشا ءبىلىم، بىلىك، داعدى، قۇزىرەتتىلىك دەڭگەيى باعالانادى. اتتەستاتتاۋدىڭ ءداستۇرلى تۇرىنەن ايىرماشىلىعى، ستۋدەنتتەرگە تاپسىرمالاردىڭ مازمۇنى الدىن الا بەرىلمەيدى جانە تاپسىرمالاردى باعالاۋ پروتسەدۋراسىنا قاتىساتىن ءتيىستى ساراپشىلار جاسايدى.

قورىتا ايتقاندا، باسەكەگە قابى­لەتتى، ەڭبەك نارىعىندا سۇرانىسقا يە مامانداردى دايارلاۋدا «جاس مامان» جوباسى جاستارعا جول اشادى.

 

زاريپا شولتانوۆا،

ح.وزبەكعاليەۆ اتىنداعى ماڭعىستاۋ پوليتەحنيكالىق كوللەدجىنىڭ باسشىسى

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار