ايماقتار • 21 ءساۋىر، 2021

بقو-دا وتىرعىزىلعان اعاشتار قۋراپ جاتىر

17 رەت كورسەتىلدى

باتىس قازاقستان وبلىسىندا ەلدى مەكەندەردى كوگالداندىرۋ ەسەپتەگى بەلگى ءۇشىن ءجۇرىپ جاتىر. ايماقتا وتىرعىزىلعان اعاشتاردىڭ شامامەن 60-70% قۋراپ قالادى، دەپ حابارلايدى Egemen.kz «ورال اپتالىعى» باسىلىمىنا سىلتەمە جاساپ.

فوتو ارتيوم بۋكرەەۆ

بۇل تۋرالى بقو اكىمى الداعى بەسجىلدىققا ارنالعان كوگالداندىرۋ جوسپارىن تالقىلاعان جيىندا ايتتى. 1 ميلليون كوشەت وتىرعىزۋ كەرەك. عالي ەسقاليەۆ جاۋاپتىلاردان جاسىل جەلەكتەرگە ءتيىستى كۇتىم جاساۋدى تالاپ ەتتى.

مەملەكەت باسشىسى قاسىم-جومارت توقاەۆ رەسپۋبليكا اۋماعىندا 2 ملرد اعاش جانە ەلدى مەكەندەردە 15 ملن اعاش وتىرعىزۋ تۋرالى تاپسىرما بەردى. بقو اكىمدىگىندە اتاپ وتكەندەي، 2021 جىلى 60 مىڭنان استام اعاش وتىرعىزۋ جوسپارلانعان. اكتسياعا مەملەكەتتىك ورگانداردىڭ قىزمەتكەرلەرى عانا ەمەس، كاسىپورىندار ۇجىمدارى مەن جەكە تۇلعالاردى دا قوسىلۋعا شاقىردى.

– بەس جىل ىشىندە قالا ماڭىنا ءبىر ميلليون اعاش وتىرعىزىلۋى ءتيىس. 8 ۆەدومستۆوعا قاراستى ۇيىمدار كوشەت وسىرەدى، – دەدى تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسىنىڭ مىندەتىن اتقارۋشى بيسەنعالي حايرۋللين.

ەلەنا ۋلانوۆا قالانى كوگالداندىرۋ سالاسىندا بىرنەشە جىلدان بەرى جۇمىس ىستەيدى. ول 2015 جىلى اعاش وتىرعىزۋ بويىنشا مەملەكەتتىك ساتىپ الۋ كونكۋرسىنا قاتىسقانىن ايتادى. بىراق، بۇل تاجىريبە وتە ءساتسىز بولعان.

– بىزگە 15 ميلليون تەڭگە تولەندى. بۇل وتىرعىزۋ ماتەريالىنىڭ قۇنى بولدى. بىراق كۇتىپ، قاراۋدى كوممۋنالدىق قىزمەتتەرگە بەردى. بارلىق اعاشتار قۋراپ قالدى، – دەدى ەلەنا ۋلانوۆا.

وبلىس اكىمى عالي ەسقاليەۆ جاسىل جەلەكتەردى كۇتۋگە جاۋاپتى تۇلعالاردى انىقتاۋ قاجەتتىگىن ايتتى. ولاردى اعاشتار مەن بۇتالاردى سۋارۋ جيىلىگى تۋرالى قاجەتتى اقپاراتپەن قامتاماسىز ەتۋ كەرەك.

– ءبىز جىل سايىن وتىرعىزامىز، بىراق كۇتىم ءتيىستى دەڭگەيدە جۇزەگە اسىرىلمايدى. 60-70 پايىزى تامىر جايعان جوق، – دەدى بقو اكىمى عالي ەسقاليەۆ.

ايتا كەتەيىك، سەنبىلىكتەر كەزىندە اعاشتاردى وتىرعىزۋعا عانا ەمەس، كۇتىپ-باپتاۋعا دا ەرەكشە كوڭىل بولىنەدى.

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

ۇقساس جاڭالىقتار