پارلامەنت • 21 ءساۋىر، 2021

حالىقارالىق شارتتار قارالدى

10 رەت كورسەتىلدى

سەناتتا كونستيتۋتسيالىق زاڭناما، سوت جۇيەسى جانە قۇقىقتىق قورعاۋ ورگاندارى كوميتەتىنىڭ كەڭەيتىلگەن وتىرىسى ءوتتى. وندا سەنات دەپۋتاتتارى قازاقستان مەن سولتۇستىك ماكەدونيا اراسىنداعى قۇقىقتىق ىنتىماقتاستىقتى نىعايتۋعا ارنالعان حالىقارالىق شارتتاردى قارادى. ءىس-شارا بارىسىندا باس پروكۋروردىڭ ءبىرىنشى ورىنباسارى بەرىك اسىلوۆ بايانداما جاسادى، دەپ حابارلادى سەناتتىڭ ءباسپاسوز قىزمەتى.

ۆلاديمير ۆولكوۆتىڭ توراعالىعىمەن وتكەن كەڭەيتىلگەن وتىرىستا تالقىلانعان قۇجاتتاردىڭ ءبىرى – «قازاقستان رەسپۋب­ليكاسى مەن سولتۇستىك ماكەدونيا رەس­پۋب­ليكاسىنىڭ اراسىنداعى قىلمىستىق ىستەر بويىنشا ءوزارا قۇقىقتىق كومەك تۋ­رالى شارتتى راتيفيكاتسيالاۋ تۋرالى» زاڭ جوباسى. ءوز سوزىندە سەناتور رىسقالي ابدىكەروۆ زاڭ جوباسىندا قۇقىقتىق كومەك كورسەتۋدىڭ شارتتارى مەن ءتارتىبى جانە ودان باس تارتۋدىڭ نەگىزى بەلگىلەنگەنىن اتاپ ءوتتى.

سونىمەن قاتار دەپۋتاتتار «قازاقستان رەسپۋبليكاسى مەن سولتۇستىك ماكەدونيا رەسپۋبليكاسى اراسىنداعى سوتتالعان ادامداردى بەرۋ تۋرالى شارتتى راتيفيكاتسيالاۋ تۋرالى» زاڭ جوباسىن قارادى. سەنات دەپۋتاتى سۇلتانبەك ماكەجانوۆ وسى قۇجاتقا سايكەس، سوتتالعان ادامدى بەرۋ ول ەكى ەلدە دە قىلمىس بولىپ ەسەپتەلەتىن ءىس-ارەكەتى ءۇشىن سوتتالعان جاعدايدا جۇرگىزىلەتىنىنە نازار اۋداردى. بۇل رەتتە سوتتالعان ادامعا قاتىستى شىعارىلعان سوت شەشىمى سوڭعى بولۋى جانە الداعى جازاسىن وتەۋ مەرزىمى التى ايدان كەم بولماۋى كەرەك ەكەنىن اتاپ وتكەن ءجون. ودان بولەك، بەرۋگە ەكى تاراپ تا جانە سوتتالعان ادامنىڭ ءوزى دە كەلىسۋى ءتيىس.

وتىرىس كەزىندە سەناتورلار «قازاقستان رەسپۋبليكاسى مەن سولتۇستىك ماكەدونيا رەسپۋبليكاسى اراسىنداعى ادامداردى ۇستاپ بەرۋ تۋرالى شارتتى راتيفيكاتسيا­لاۋ تۋرالى» زاڭ جوباسىن دا قارادى. سەناتور نۇرلان بەكنازاروۆتىڭ ايتۋىنشا، بۇل قۇجات تاراپتارعا قىلمىستىق جاۋاپكەرشىلىككە تارتۋ نەمەسە سوت ۇكىمىن ورىنداۋ ءۇشىن ەكى ەلدىڭ قۇزىرەتتى ورگاندارى ىزدەۋ سالعان ادامداردى ۇستاپ بەرۋگە جاعداي جاسايدى.

كوميتەت توراعاسى ۆ.ۆولكوۆ كەڭەي­تىل­گەن وتىرىستى قورىتىندىلاي كەلە، قازاق­ستان تاۋەلسىزدىك العالى 30-عا جۋىق مەملەكەت­پەن ەكىجاقتى نەگىزدە وسىنداي شارت جاساسقانىن جانە ەلىمىز بىرقاتار كوپجاقتى كەلىسىمنىڭ قاتىسۋشىسى ەكەنىن ايتتى. سونداي-اق ول مۇنداي تاجىريبەنىڭ ماڭىز­دىلىعى مەن قاجەتتىلىگى جىل سا­يىن نىعايىپ كەلە جاتقان ەكونوميكالىق، مادەني، شارۋاشىلىق، ىسكەرلىك جانە باسقا دا مەملەكەتارالىق قارىم-قاتىناستارعا بايلانىستى ەكەنىن ءسوز ەتتى.

سوڭعى جاڭالىقتار

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

شاڭىراق – «شاعىن وتانىڭ»

قازاقستان • كەشە

ۇقساس جاڭالىقتار