وقيعا • 20 ءساۋىر، 2021

«ادىرنا» جۋرنالى جۇمىسىن ۋاقىتشا توقتاتتى

82 رەت كورسەتىلدى

ادىرنا جۋرنالى جۇمىسىن ۋاقىتشا توقتاتتى. بۇل تۋرالى اقىن، جۋرنالدىڭ باس رەداكتورى مەيىرحان اقداۋلەت مالىمدەدى، دەپ حابارلايدى Egemen.kz Qalamger.kz سايتىنا سىلتەمە جاساپ.

«اقتوبەدەن شىعاتىن «ادىرنا» رەسپۋبليكالىق ادەبي-كوركەم، كوپشىلىك جۋرنالىنىڭ ءوز جۇمىسىن ۋاقىتشا توقتاتاتىنىن بارلىق وقىرماندارعا، جاناشىرلارعا، ادەبيەتتىڭ شىنايى تىلەۋلەستەرى مەن ونىڭ ۇزدىكسىز وركەندەۋىنە الاڭدايتىن بارلىق ءناتى قازاققا، ۇلتتىق رۋحتىڭ بولاشاعىنا جانى مەن جۇرەگى الاڭدايتىن باۋىرلارعا وكىنە وتىرىپ حابارلايمىن»، دەپ جازبا قالدىردى ول.

مەيىرحان اقداۋلەت جۋرنالدىڭ العاشقى سانى 2016 جىلدىڭ قاراشا ايىندا جارىق كورگەلى بەرى جاڭا باسىلىمعا دەگەن ەلدىڭ ىقىلاسى مەن قاداۋ-قاداۋ ازاماتتاردىڭ قامقورلىعى، قارا حالىقتىڭ رياسىز سۇيىسپەنشىلىگى ارقاسىندا باسىلىمنىڭ جاعدايى كۇرت جاقسارىپ، «ادىرنا» ەسىمى مەيلىنشە تانىمال دارەجەگە كوتەرىلگەنىن ايتتى.

«ادالىنا جىعىلساق، جۋرنالعا قاجەتتى قارجىنى بەلگىلەپ، جۇرگەن جەرىندە شىنايى ناسيحاتتاعانى سول كەزدەگى اقتوبە وبلىسىنىڭ اكىمى، ءىرى مەملەكەت قايراتكەرى بەردىبەك ماشبەك ۇلى ساپارباەۆتىڭ ءوزى ەدى»، دەيدى م.اقداۋلەت.

باس رەداكتور سوعان قاراماستان 2020 جىلدان باستاپ «ادىرنانىڭ» جاعدايى كۇرت تومەندەپ كەتكەن ايتادى. وعان سەبەپ جەرگىلىكتى نەمقۇرايلى ارەكەتى ەكەنىن اتاپ ءوتتى.

«ادىرنانىڭ» جاعدايى كۇرت تومەندەدى: وبلىستىڭ ىشكى ساياسات ءبولىمىنىڭ باسشىسى قاڭتار-اقپان ايلارىندا وتەتىن تەندەردى ماۋسىم ايىنىڭ اياعىنا دەيىن سوزدى، ال تەندەر وتكەن سوڭ، «قارجىنىڭ از بولىنگەنىن» ايتىپ، اقىرى شىلدە ايىندا ەكى ميلليون قارجىنى بەرگىزىپ، الدارقاتتى دا قويدى. مەن، مەيىرحان اقداۋلەت ۇلى، قارجىنىڭ ءتۇبى بولاتىنىن ايتا بەرەتىن اكىمlىككە سەنىپ، بارلىق قارجىنى ءوز قالتامنان تولەپ ءجۇردىم دە، قازان ايىنىڭ ورتا شەنىندە وبلىس اكىمىنە كىرىپ، كەلەسى جىلعا جازىلۋدى توقتاتاتىنىمدى، وقىرمان ۇشىن جەلتوقسان ايىندا سوڭعى نومەرىن شىعاراتىنىمدى، اكىمشىلىكتىڭ ۋادەسىنە سەنىپ شىعىندانىپ كەلگەنىمدى باياندادىم.

وڭداسىن سەيىل ۇلى قارجىنى جەرگىلىكتى قورلار ارقىلى وتەيتىنىن، جۋرنالدىڭ 2021
جىلى دا شىعا بەرۋى كەرەكتىگىن ايتىپ، تىنىشتاندىردى. ۋادە تىم سوزىلىپ كەتكەن سوڭ بيىلعى اقپان ايىندا اكىمگە تاعى كىردىم. بۇل جولى دا اكىم ءسال كۇتۋ كەرەكتىگىن، قارجىنىڭ تابىلاتىنىن تاعى دا ايتتى جانە مەنىڭ قازاقستاننىڭ 30 جىلدىعىنا بايلانىستى ۇسىنعان جوبالارىمدى قۋانا قولداپ، ءتيىستى ادامدارعا تاپسىرما بەردى. 2021 جىلعى قاڭتار، اقپان ايلارىنىڭ نومەرلەرىن شىعارىپ، جۋرنالدىڭ ناۋرىز، ءساۋىر، مامىر ايلارىنىڭ نومەرلەرىن باسپاعا ازىرلەپ قويدىق...

ال اكىمشىلىكتەن ءالى ناقتى حابار عانا ەمەس، وسى ماسەلەگە باس اۋىرتاتىنداي نيەت جوق. ءوز وقىرمانى قالىپتاسىپ، ەلگە تانىمال بولعان جۋرنالدىڭ وسى جاعدايى مەنى تىعىرىققا تىرەپ، باسىلىمنىڭ شىعۋىن ۋاقىتشا توقتاتۋعا ماجبۇرلەپ وتىر.2019 جىلى ۇلكەن ادەبي بايگە جاريالانىپ، سونىڭ قورتىندىسىنا 5،5 ملن تەڭگە جۇمساپ ادەبي فورۋم وتكىزگەن، حالىقتىڭ ءوز ادەبيەتىنە دەگەن ىقىلاسىن وياتىپ، وبلىسقا، وبلىستىڭ اكىمىنە ابروي اپەرگەن «ادىرنانىڭ» وسى بەيشارا كۇيگە تۇسكەنىنە، تيراجى ءۇش جىل ىشىندە «جۇلدىزدان» اسىپ تۇسكەن جۋرنالدىڭ ەشكىمگە ەندى قاجەتسىزدىگىنە جانە... رەسمي بيلىكتىڭ «ۋادەسى» ارقاسىندا ءوز باسىم 19،0 ملن اقشانى اكىمشىلىكتىڭ ۇزدىكسىز ۋادەسىنە بولا ءوز قالتامنان تولەگەنىمە عانا ەمەس، «رۋح، ت.ت.» دەپ سايراعاندا الدىنا جان سالمايتىنداردىڭ قازاقى رۋحتى وسىلاي دا قورلاۋعا بولارىنا قايرانمىن. ونى سوت ارقىلى شەشۋگە تالپىنارمىز، بىراق «ادىرنانى» قورلىققا سالارلىقتاي ەشتەمە ىستەمەپ ەدىك. سونىمەن... ازىرگە ءالى دە ءۇمىتتىمىز. بارلىق تىلەۋلەستەردەن كەشىرىم وتىنەمىن، - دەلىنگەن جازبادا.

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

ۇقساس جاڭالىقتار