فۋتبول جانكۇيەرى مايدان ورىنباەۆ ءىشكى بىرىنشىلىكتەگى ويىندارىن ورتالىق ستاديوندا وتكىزەتىن اتالعان ۇجىم فۋتبول الاڭىنىڭ «باتىس» تريبۋناسىنداعى ەلىمىزدىڭ اتى جازىلعان «قازاقستان» اتاۋىن كلۋبتىڭ ءۇش جەيدەسىمەن جاۋىپ تۇرعانىن ەل اتاۋىنا دەگەن قۇرمەتسىزدىك دەپ ەسەپتەيدى.
«اتاعى دارداي «قايرات» دەگەن فۋتبول كلۋبى ءوز ەلىمىزدە قازاقستان دەگەن قاسيەتتى ءسوزدى ءوشىرىپ تۇر. ولاردىڭ بۇل ارەكەتى قالاي نامىسقا تيمەيدى؟ ايتپەسە سول كلۋبتىڭ باسى-قاسىندا جۇرگەن جانداردىڭ ءبارى قازاق, بىراق بىردە-بىرەۋىنءىڭ نامىسى جوق. ستاديوننىڭ باسشىلىعى, قالا بەردى, «قايرات» كلۋبىنىڭ باسشىسىنەگە بۇل ماسەلەگە نازار اۋدارماي وتىر؟», دەپ وقىرمانىمىز ءوز كۇيىنىشىن جەتكىءزدى.
وسى ماسەلە بويىنشا «قايرات» كلۋبىنا حابارلاسقانىمىزدا, ساۋالىمىزعا جاۋاپ بەرەتىن رەسمي تۇلعا بىلاي تۇرسىن, تەلەفون تۇتقاسىن كوتەرەتىن بىردە-ءبىر جان تابىلمادى. الەۋمەتتىك جەلى ارقىلى دا جولداعان ساۋالىمىز جاۋاپسىز قالدى.
وزدەرىن «حالىقتىڭ كومانداسى» دەپ سانايتىن جانە سولاي ايتاتىن «قايرات» كلۋبىنىڭ باسشىلىعى حالىقتىڭ ۇنىنە قۇلاق اسادى دەپ ويلايمىز.
