قازا بولعانداردىڭ قىرقى بەرىلدى

وتكەن سەنبى كۇنى قىزىلاعاش اۋىلىندا تاسقىن سالدارىنان قازا بولعانداردىڭ قىرقى بەرىلدى. مارقۇمداردىڭ رۋحىنا باعىشتا­لىپ اتقارىلعان بۇل ءراسىم وبلىس اكىمى سەرىك ۇمبەتوۆتىڭ مۇرىندىق بولۋىمەن, اۋدان, اۋىل اكىمدەرىنىڭ اتسالىسۋىمەن وتكىزىلدى. اشىق اسپان استىنا ەكى قاتار ەتىپ جايىلعان كەڭ داستارقاننىڭ باسىنا جايعاسقان جۇرتشىلىقتىڭ الدىندا ەڭ الدىمەن اقسۋ اۋدان­دىق اقساقالدار القاسىنىڭ توراعا­سى نۇربەك سارسەنباي ۇلى ءسوز الىپ, قازا تاپقانداردىڭ قىرىق كۇندىك نازىرىنە وراي اعايىنعا ارناۋ ءسوز ايتتى. “تابيعات اپاتى سالدارىنان قايعىلى وقيعا ورىن العانىمەن ءتىر­شىلىك توقتاپ قالماق ەمەس. “ورنىن­دا بار وڭالار” دەگەندەي, ەل ەس جيىپ, جاعداي بىرتە-بىرتە قالىپقا ءتۇسىپ كەلەدى. زارداپ شەككەندەرگە بار­لىق جاعدايدى جاساپ وتىرعان رەسپۋبليكا وبلىس پەن اۋدان باسشى­لارىنا دا راحمەت. جاقىن كۇندەردىڭ بىرىندە العاشقى تۇرعىن ۇيلەر دە پايدا­لانۋعا بەرىلمەك. سوندىقتان ولىگە يمان, تىرىگە بەرەكە-بىرلىك تىلە­يىك” دەگەن قاريانىڭ باسالقالى ءسو­زىن جينالعاندار ءبىراۋىزدان قۇپتادى. –قىزىلاعاشتاعى سياقتى تابيعات­تىڭ توسىن اپاتتارىن اۋىز­دىقتاي الماي قالاتىن كەزدەرىمىز بولادى. مۇنداي اپاتتار بۇگىندە قىتايدا الاپات جەر سىلكىنىسى رەتىن­دە ورىن السا, يسلانديادا جانارتاۋ تۇرىندە اتقىلاۋدا. تاعى ءبىر جەردە ۇشاقتار قۇلاپ جاتىر. ەندىگى جەردە ونداي اپاتتار قايتالانباسىن دەپ تىلەيىك, – دەپ باستادى ءسوزىن وبلىس باسشىسى سەرىك ۇمبەتوۆ. – ء“تور­تەۋ تۇگەل بولسا, توبەدەگى كەلەدى, التاۋ الا بولسا, اۋىزداعى كەتەدى” دەگەن­دەي, ەڭ باستىسى, ەلىمىزدى اۋىز­بىرلىك پەن ىنتىماقتان اجىراتپاسىن, ەل ءىشى امان بولسىن دەپ تىلەيىك. اۋىز­بىرلىگىنەن اجىراپ قالعان قىرعىز اعايىندار نە بولىپ جاتىر بۇگىندە؟ ىنتىماعىمىز بول­سا, ءبارى قالپىنا كەلەدى. قازا بول­عان جاقىندارى­مىزدىڭ جانى ءجانناتتا بولسىن. ەندى ءبىراز كۇندە 40 شاقتى تۇر­عىن ءۇيدىڭ پايدالانۋعا بەرىلىپ, ەگىن­سۋ مەن اقتوعانداعى قالپىنا كەلتىرۋ جۇمىستارىنىڭ قارقىن الاتىندىعىن ايتقان وبلىس اكىمى زارداپ شەككەندەرگە قاجەتتى بارلىق كومەكتىڭ كورسەتىلىپ جاتقاندىعىن, باسقا دا ءتيىستى شارۋالاردىڭ ات­قارى­لاتىندىعىن تاعى ءبىر اتاپ ءوتتى. قازاقستان مۇسىلماندارى ءدىني باسقارماسىنىڭ تالدىقورعان وڭىرىندەگى وكىل-يمامى ءجۇمانالى امانوۆ قازا بولعانداردىڭ رۋحىنا باعىشتاپ قۇران وقىعاننان كەيىن وبلىستىق ارداگەرلەر كەڭەسىنىڭ توراعاسى ەگەۋبەك دالباعاەۆ ءسوز الىپ, قازا بولعانداردىڭ وتباسى­لارى مەن تۋعان-تۋىستارىن سابىرعا شاقىردى. بۇل جايىنداعى اڭگىمەنى قازاق راديوسى ديرەكتورىنىڭ ورىن­باسارى, قالامگەر كو­پەن ءامىر­بەك جالعاستىرىپ, حالقى­مىزدىڭ تورقالى توي مەن توپىراق­تى ءولىمدى بىرىگىپ اتقاراتىن يگى ءداس­تۇرى جايىندا ءسوز قوزعادى. قىرىق كۇندىك استى وتكىزۋ بارى­سىندا اۋىل تۇرعىندارى دا سويلەپ, قيىندىقتا جالعىز قالدىر­ماي, بارلىق كومەكتى جاساپ جاتقان رەسپۋبليكا جۇرتشىلىعىنا, وبلىس باسشىلىعىنا دەگەن شىنايى العىستارىن ءبىلدىردى. كۇمىسجان بايجان,  الماتى وبلىسى.