باعدارلامالار • 20 ءساۋىر، 2021

ەلوردا مەن شىمكەنتتە جىلجىمايتىن م ۇلىككە كەپىلدى ەلەكتروندى تىركەۋگە بولادى

17 رەت كورسەتىلدى

جەرگىلىكتى جەرلەردەگى ساۋلەت جانە قالا قۇرىلىسى ورگاندارى جىلجىمايتىن م ۇلىك نىسانىنىڭ بۇزىلعانىن راستايتىن قۇجات بەرۋگە جاۋاپتى بولىپ بەكىتىلدى، دەپ حابارلايدى Egemen.kz قازاقپاراتقا سىلتەمە جاساپ.

«جىلجىمايتىن م ۇلىككە قۇقىقتاردى تىركەۋگە توقتالساق، سوڭعى ءتورت جىلدا وسى سالاداعى اكىمشىلىك وندىرىستەردىڭ ايتارلىقتاي تومەندەگەنى بايقالادى. بۇل مەنشىك يەلەرىنىڭ م ۇلىكتەرىن ۋاقتىلى تىركەگەنىن جانە قۇقىقتارىن تولىققاندى ىسكە اسىرعانىن راستايدى. وسىعان وراي، التى ايلىق مەرزىمدى وتكىزىپ العان تۇلعالارعا اكىمشىلىك جاۋاپكەرشىلىك الىپ تاستالدى»، دەدى ۆيتسە-مينيستر ورتالىق كوممۋنيكاتسيالار قىزمەتىندە.

ونىڭ ايتۋىنشا، جەرگىلىكتى جەرلەردەگى ساۋلەت جانە قالا قۇرىلىسى ورگاندارى جىلجىمايتىن م ۇلىك وبەكتىسىنىڭ بۇزىلعانىن راستايتىن قۇجات بەرۋگە جاۋاپتى بولىپ زاڭدى تۇردە ايقىندالدى.

«بۇرىن مەنشىك يەسى جەر ۋچاسكەسى بار تۇرعىن ءۇي ساتىپ الىپ، ءوزىنىڭ تۇرعىن ءۇي جاعدايىن جاقسارتقىسى كەلىپ، ەسكى ءۇيدى بۇزىپ، جاڭاسىن سالعان. الايدا، وبەكتىنى بۇزۋ تۋرالى قۇجاتتىڭ بولماۋى سالىنعان ۇيگە قۇجاتتى زاڭداستىرۋدى قيىنداتتى. بۇل ولقىلىقتى جويۋ جىلجىمايتىن م ۇلىك دەرەكقورىنداعى وبەكتىلەر تۋرالى مالىمەتتەردى ۋاقتىلى جاڭارتۋعا جانە ءتيىمدى سالىق سالۋعا ىقپال ەتەدى»، دەدى ازامات امىرعاليەۆ.

«سونىمەن قاتار، بۇگىنگى كۇنى نوتارياتتىق ەمەس مامىلەلەر بويىنشا قۇقىقتاردى ەلەكتروندىق تىركەۋ ءساتتى ەنگىزىلدى. نۇر-سۇلتان جانە شىمكەنت قالالارىندا جىلجىمايتىن م ۇلىككە كەپىلدى ەلەكتروندىق تىركەۋ بويىنشا پيلوتتىق جوبا ىسكە قوسىلدى.

جەرگىلىكتى اتقارۋشى ورگاندار بەرەتىن جەكەشەلەندىرۋ شارتتارى نەگىزىندە قۇقىقتاردى ەلەكتروندىق تىركەۋ پىسىقتالۋدا. ءوز كەزەگىندە، جىلجىمايتىن م ۇلىكتىڭ بىرىڭعاي مەملەكەتتىك كاداسترىن ەنگىزۋ جىلجىمايتىن م ۇلىكپەن جاسالاتىن بارلىق مامىلەلەردى تىركەۋدى ەلەكتروندىق فورماتقا كوشىرۋگە مۇمكىندىك بەرەدى. بۇل حالىقتىڭ ۋاقىت جانە قارجى شىعىندارىن ەداۋىر قىسقارتادى»، دەدى ۆيتسە-مينيستر.

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

ۇقساس جاڭالىقتار