ۇكىمەت • 20 ءساۋىر، 2021

الداعى 5 جىلدا 315 اۋىل مەكتەبى سالىنادى – مامين

51 رەت كورسەتىلدى

2025 جىلعا قاراي اۋىلداردا 24 ملن شارشى مەتر تۇرعىن ءۇي پايدالانۋعا بەرىلەدى. بۇل تۋرالى ۇكىمەت وتىرىسىندا پرەمەر-مينيستر اسقار مامين ايتتى، دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.

«Nur Otan» پارتياسىنىڭ «وزگەرىستەر جولى: اركىمگە لايىقتى ءومىر!» باعدارلاماسىن ورىنداۋ جونىندەگى جول كارتاسىن ىسكە اسىرۋ اياسىندا بىزگە اۋىلدىق جەرلەردەگى ءومىر ساپاسىن ارتتىرۋ مىندەتى قويىلىپ وتىر. اۋىل تۇرعىندارىنىڭ تۇرمىس ساپاسىن ارتتىرۋ ءۇشىن ەڭ الدىمەن ينفراقۇرىلىمدى جاڭعىرتۋ جۇمىسى جۇرگىزىلۋدە. 2025 جىلعا دەيىن جەرگىلىكتى ماڭىزى بار 27 مىڭ شاقىرىم جول سالىنىپ، جوندەلەدى. اۋىلداردا 24 ملن شارشى مەتر تۇرعىن ءۇي پايدالانۋعا بەرىلەدى»، دەدى ۇكىمەت باسشىسى.

ونىڭ اتاپ وتۋىنشە، اگروونەركاسىپتى كەشەن سالاسىندا 845 جوبا ىسكە اسىرىلىپ، 500 مىڭ جۇمىس ورنى قۇرىلادى. 7 ەكوجۇيە قۇرىلىپ، 350 مىڭ فەرمەر مەن ءۇي قوجالىقتارى تارتىلادى.

«قابىلداناتىن شارالار اۋىل تۇرعىنىنىڭ تابىسىن ارتتىرۋعا مۇمكىندىك بەرەدى. اۋىل تۇرعىندارىنىڭ 100 پايىزى ساپالى اۋىز سۋمەن جانە 60 پايىزى تابيعي گازبەن قامتاماسىز ەتىلەدى. دەنساۋلىق ساقتاۋ سالاسىندا بەس جىل ىشىندە 1 095 نىسان جوندەۋدەن وتكىزىلەدى جانە سالىنادى. بۇل حالىقتى مەديتسينالىق قىزمەت كورسەتۋمەن قامتۋدى 2 ەسە ۇلعايتۋعا مۇمكىندىك بەرەدى. 5 جىل ىشىندە 5 مىڭ مەكتەپ جاڭعىرتىلىپ، 315 اۋىل مەكتەبى سالىنادى»، دەدى اسقار مامين.

پرەمەر-مينيستر اۋىل وقۋشىلارىن قوسىمشا بىلىممەن بارىنشا قامتۋ جانە ءبىلىم ساپاسىنىڭ قالا مەن اۋىل اراسىنداعى ايىرماسىن قىسقارتۋ جۇمىسى جۇرگىزىلىپ جاتقانىن ايتتى.

«748 مادەنيەت مەن 1 719 سپورت نىسانى جوندەلەدى جانە سالىنادى. جالپى، اۋىلدىق ەلدى مەكەندەردى دامىتۋ بويىنشا 5 جىلعا ارنالعان ناقتى جوسپار ازىرلەنگەن. 2021 جىلدىڭ وزىندە «اۋىل ەل بەسىگي» جوباسىن جۇزەگە اسىرۋ اياسىندا 105 ملرد تەڭگە ءبولىندى، ول 1،3 ملن ادام تۇراتىن 480 اۋىلدى جاڭعىرتۋعا مۇمكىندىك بەرەدى. بەس جىلدىڭ ىشىندە 800 ملرد تەڭگە بولىنەدى. جول، ينجەنەرلىك جانە الەۋمەتتىك ينفراقۇرىلىم جاقسارتىلادى. بۇل 7 ملن اۋىل تۇرعىندارىنىڭ ءومىر ساپاسىن جاقسارتۋعا مۇمكىندىك جاسايدى. بۇل جوسپاردىڭ ىسكە اسىرۋداعى باستى ماقسات – ءار اۋىل تۇرعىنىنىڭ ءومىر ساپاسىنىڭ جاقسارتۋ»، دەدى ۇكىمەت باسشىسى.

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار