– پوليتسيا قىزمەتكەرلەرى اقسۋ قالاسىنىڭ تۇرعىنى م.اۋەزوۆ كوشەسىندەگى الاڭدا كامەلەتكە تولماعان ەكى بالاسىنا دەنە جاراقاتىن سالعانىن انىقتادى. سونىمەن قاتار, ءتارتىپ ساقشىلارى ەر ادامنىڭ ەكى تەگىس ۇڭعىلى قارۋى بار ەكەنىن انىقتاپ, تاركىلەدى, - دەدى اقسۋ قالاسىنىڭ پوليتسيا ءبولىمى باستىعىنىڭ مىندەتىن اتقارۋشى ايدىن ءجۇنىسوۆ.
قارۋ اقسۋ قالالىق پوليتسيا ءبولىمىنىڭ ازاماتتىق جانە قىزمەتتىك قارۋ اينالىمىن باقىلاۋ جونىندەگى توبىنا تاپسىرىلدى.
پوليتسيا قىزمەتكەرلەرى ەر ادامعا قاتىستى قر اقبتك-ءنىڭ 484-بابىنىڭ 1-بولىگى (ازاماتتىق, قىزمەتتىك, ماراپاتتىق, كوللەكتسيالىق قارۋدى, ونىڭ پاتروندارىن ساتىپ الۋ, بەرۋ, ەسەپكە الۋ, ساقتاۋ, پايدالانۋ, قر اۋماعىنا اكەلۋ جانە قر اۋماعى ارقىلى ترانزيتتەۋ ءتارتىبىن بۇزۋ) بويىنشا اكىمشىلىك ءىس قوزعادى.
