رۋحانيات • 19 ءساۋىر، 2021

سارەسىنىڭ بەرەكەسى

874 رەت كورسەتىلدى

قاسيەتتى رامازان ايىنىڭ بەرەكەتى – تاڭعى سارەسىن ءىشۋ. قازاقشا ايتقاندا، «اۋىز بەكىتۋ» اسى. بۇنى ارابشا «سۋحۋر» دەءيدى. سارەسى ۋاقىتىندا وتە كوپ بەرەكەتتەر بار، - دەيدى يسلام عۇلامالارى. ويتكەءنى، قاسيەتتى ايدا سارەسىن ءىشۋ تەك مۇسىلمان بالاسىنا ءناسىپ بولعان. مۇنداي بەرەكەلى اس باسقا كىتاپ يەلەرىنە بۇيىرماعان.

قمدب ناسيحات جانە قوعاممەن بايلانىس ءبولىمىنىڭ مەڭگەرۋشىسى باتىرجان مانسۇروۆ، ورازا كەزىندە سارەسىن ءىشۋ دەگەنىمىز – ەڭ الدىمەن پايعامبارىمىزدىڭ (س.ع.س) سۇننەتى، سول سەبەپتى بۇلامالدى ورىنداعان ادام ساۋاپقا كەنەلەدى، دەيدى.

سول سياقتى، ۇلكەن ساحابا زايد يبن سابيت (ر.ا.)جارىقتىق، «شىنايى نيەتپەن سارەسىگە تۇرۋ سۇننەتتىڭ ساۋابىنا كەنەلتەدى» دەسە، تاعى ءبىر اتاقتى  ساحابا امر يبن اس (ر.ا.) پايعامبارىمىزدىڭ (س.ع.س): ء«بىزدىڭ ورازا مەن كىتاپ يەلەرى ورازاسىنىڭ ايىرماشىلىعى سارەسىن ىشۋدە»(مۋسليم) نەمەسە «سارەسىن ىشىڭدەر! راسىندا سارەلىك استا قۇت-بەرەكە بار» (بۇحاري) دەگەن حاديستەرءىن جەتكىزگەن.

كەلەسى كەزەكتە ايتارىمىز، سارەسىن ءىشۋ ۋاقىتى – دۇعا-تىلەك قابىل بولاتىن ساتكە ءدوپ كەلەتىندىكتەن، ورازا تۇتۋشى بۇل ءساتتى قالت جىبەرمەي اللانىڭ شاراپاتى مەن قامقورىنان ءۇمىت ەتەرى انىق. بۇل جايلى قۇران كارىمنىڭ «زاريات» سۇرەسى، 18-اياتىندا: «ولار سارەسى ۋاقىتىندا اللادان كەشىرىم تىلەيدى» دەگەن اشىق ۇكىم بار.  

ەكىنشىدەن، سارەسىن ىشكەن ادامعا – جاراتقاننىڭ مەيىرىمى تۇسەءدى. ۇشىنشىدەن – سارەسى ىشكەن ادامعا پەرىشتەلەر دە دۇعا جاسايدى. وعان دالەل رەتىندە يمام باۋىرلارىمىز «راسىندا اللا تاعالا جانە ونىڭ پەرىشتەلەرى سارەسىن ىشۋشىلەرگە راقىم ەتىپ، دۇعا ەتەدى» دەگەن پايعامبارىمىزدىڭ (س.ع.س) ءحاديسىن العا تارتادى.

سارەسىن ءىشۋدىڭ ءتورتىنشى بەرەكەتى – ادامدەنساۋلىعىن جاقسارادى جانە تانگە قۋات بەرەدى.پايعامبارىمىز (س.ع.س) «سارەسىگە تۇرىڭدار. دەنساۋلىقتارىڭ جاقسارادى» دەگەن (بۇحاري).

قورىتا ايتقاندا، سارە ۋاقىتىندا مۇسىلمان بالاسىنا باسقا ۋاقىتتاردا ءناسىپ بولا بەرمەيتىن كوپتەگەن بەرەكەت بار. اسىرەسە بۇل مەزگىلدەردە يستيعفار ايتىپ، اللادان كەشىرىم تىلەپ، ءتاھاججۋد ناماز وقىپ، دۇنيە-اقىرەتى ءۇشىن دۇعا سۇراۋدىڭ قابىل بولاتىن ۋاقىتى.

جاراتقان اللا ورازامىزدى قابىل ەتىپ، سارەسىنىڭ بەرەكەتىن ءناسىپ ەتسىن!

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار