فوتو: كونستانتين شەلكوۆ
وبلىستىق پد ءباسپاسوز قىزمەتىنىڭ مالىمەتىنشە, پوليتسيا قىزمەتكەرلەرى رەسپۋبليكالىق جانە جەرگىلىكتى ماڭىزى بار جولداردى تەكسەرۋدى تۇراقتى نەگىزدە جۇرگىزەدى.
«2021 جىلدىڭ باسىنان بەرى جالپى پايدالانىمداعى اۆتوجولدارعا 467 تەكسەرۋ جۇرگىزىلىپ, 1403 اقاۋ انىقتالدى. بارلىق بۇزۋشىلىقتار بويىنشا انىقتالعان كەمشىلىكتەردى جويۋعا ۇيعارىمدار بەرىلدى. بۇدان باسقا, 73 لاۋازىمدى جانە زاڭدى تۇلعا جولداردى قاناعاتتانارلىقسىز ۇستاعانى جانە جولداردا جۇمىس جۇرگىزۋ ەرەجەلەرىن بۇزعانى ءۇشىن جاۋاپكەرشىلىككە تارتىلدى», دەپ حابارلادى بريفينگتە اكىمشىلىك پوليتسيا باسقارماسى باستىعىنىڭ ورىنباسارى ارىستان دۇيسەمباەۆ.
شىدەرتى-نۇر-سۇلتان جولدارىن قىس مەزگىلىندە كۇتىپ ۇستاماعانى ءۇشىن مەردىگەر ۇيىم, جشس-ءنىڭ ءبىرى قر اقبتك-ءنىڭ 462-بابى 3-بولىگى بويىنشا اكىمشىلىك جاۋاپكەرشىلىككە تارتىلىپ, 500 اەك مولشەرىندە ايىپپۇل سالىندى.
تەمىر جول وتپەلەرىن قاناعاتتانارلىقسىز ۇستاعانى ءۇشىن 13 لاۋازىمدى تۇلعاعا 400 مىڭ تەڭگە كولەمىندە ايىپپۇل سالىندى.
