«وبلىستىق پوليتسيانىڭ جەدەل-تەرگەۋ توبى ەسىرتكى قىلمىسىنا قارسى ءىس-قيمىل دەپارتامەنتىنىڭ كومەگىمەن قازاقستاننىڭ 5 وبلىسى اۋماعىندا 5 ەسىرتكى زەرتحاناسىن جاساۋعا قاتىسى بار وننان استام ادامدى ۇستادى. تەرگەۋ بارىسىندا زەرتحانالاردى ۇيىمداستىرۋشىلاردىڭ ءبىزدىڭ ەلدەن تىس جەردە بولعانى جانە قازاقستان, رەسەي, تمد-نىڭ باسقا دا ەلدەرى مەن الىس شەتەلدەردە پسيحوتروپتىق زاتتاردى دايىنداپ ساتاتىن ترانسۇلتتىق ۇيىمداسقان توپ قۇرعانى انىقتالدى», دەدى قر ءىىم رەسمي وكىلى ءنۇردىلدا وراز ونلاين بريفينگىدە.
قازاقستاندا جۇمىس ىستەيتىن بولىمشەگە باسشىلىق ەتۋ مەن ۇيلەستىرۋ «تەلەگرامم» جانە «سيگنال» مەسسەندجەرلەرىمەن جۇزەگە اسىرىلعان.
«ترانسۇلتتىق ۇيىمداسقان قىلمىستىق توپ كۋراتورلارى پسيحوتروپتىق زاتتاردى شەتەلدەن ءبىزدىڭ ەلگە سۇيىق تۇردە جەتكىزۋ ارناسىن ۇيىمداستىرعان, ول اۆتوكولىك مايلارى مەن قوسالقى بولشەكتەر, الكوگولدى ىشىمدىكتەر, تۇرمىستىق زاتتار, ماي رادياتورلارى مەن ءورت سوندىرگىشتەر تۇرىندە لوگيستيكالىق فيرمالار ارقىلى جەتكىزىلىپ تۇرعان», دەدى رەسمي وكىل.
ترانسۇلتتىق ۇيىمداسقان توپ قاتىسۋشىلارىنان جالپى سانى 70 كيلوگرامنان استام قۇرعاق جانە سۇيىق تۇرىندە الىنعان دايىن سينتەتيكالىق ەسىرتكى جانە 3,5 توننادان استام پرەكۋرسورلار تاركىلەنگەن.
