وقيعا • 19 ءساۋىر، 2021

نۇر-سۇلتاننىڭ ورتالىعىندا جول وپىرىلىپ ءتۇستى

152 رەت كورسەتىلدى

نۇر-سۇلتان قالاسىندا جولدىڭ ورتاسىندا پايدا بولعان تەسىككە كولىك ءتۇسىپ كەتە جازدادى. كولىكتى شىعارۋعا جاقىن ماڭايدا بولعان جۇرگىزۋشىلەر كومەكتەستى. مۇنداي ۆيدەو 18 ءساۋىر كۇنى ينستاگرام جەلىسىندە تارادى، دەپ حابارلايدى Egemen.kz.

ەلوردادا ش.ءۋاليحانوۆ پەن ع.قاراش كوشەلەرىنىڭ قيىلىسىندا جول توسەمى بۇزىلعان. 

— جول توسەمىنىڭ ىستەن شىعۋى مەردىگەر ۇيىمنىڭ تەسۋ ادىسىمەن ديامەترى 300 مم سدر 17 قۇبىرىن توسەۋ كەزىندە جۇمىس تەحنولوگياسىنىڭ ساقتالماۋىنان ورىن الدى. ناتيجەسىندە نوسەرلىك كارىز كوللەكتورى سۋ استىندا قالىپ، جول توسەمىنىڭ شاعىن ۋچاسكەسىندە شۇڭقىر پايدا بولدى، – دەپ حابارلاعان قالالىق اكىمدىكتىڭ ءباسپاسوز قىزمەتى.

قازىر ۋچاسكە قورشالىپ، اپاتتى كومۋ جۇمىستارى جۇرگىزىلۋدە. 19 ساۋىردە اكىمدىك، شجق «Elorda Eco System» مكك، سونداي-اق جپ ءاپب باسقارمالارى جول توسەمىن قالپىنا كەلتىرۋ جۇمىستارىن جۇرگىزەدى.

جولدى جوندەۋ جۇمىستارىن دۇرىس اتقارماعان مەردىگەر ۇيىم جاۋاپكەرشىلىككە تارتىلادى.

سوڭعى جاڭالىقتار

ۇقساس جاڭالىقتار