قوعام • 17 ءساۋىر، 2021

ۆاكتسينا دىنگە قايشى كەلمەيدى - الماتى مەشىتىنىڭ باس يمامى

65 رەت كورسەتىلدى

الماتى قالاسىنىڭ ورتالىق مەشىتىنىڭ باس يمامى ەركىنبەك شوقاي رامازان كەزىندەگى ۆاكتسينانىڭ ورازانى بۇزبايتىنىن ايتا كەلە، جانە دىنگە سەنۋشىلەردى كوروناۆيرۋستان ساقتانۋعا شاقىردى. 

«قالادا يمامدار كەزەكپەن ۆاكتسينا سالدىرىپ جاتىر. بىزدە قازاقستان مۇسىلماندارى ءدىني باسقارماسىنىڭ ۆاكتسينا تۋرالى ءپاتۋاسى بار. وندا ەكپەنىڭ بۇلشىق ەتكە ەنەتىن ءدارى جانە ونىڭ قاجەت ەكەندىگى تۋرالى ايتىلادى. سوندىقتان ەكپە ورازانى بۇزبايدى»، دەپ ءتۇسىندىردى يمام.

جالپى، الماتىدا ءتۇرلى ءدىني بىرلەستىكتەردىڭ وكىلدەرى وزدەرىن جانە جاقىندارىن قاۋىپسىزدەندىرۋ ءۇشىن عانا ەمەس، سونىمەن قاتار پاندەميامەن كۇرەستە قازاقستان حالقىنىڭ بىرلىگىن كورسەتۋ ءۇشىن، سونداي-اق شىركەۋ كەلۋشىلەرىنە ۆاكتسيناتسيالانۋعا بولاتىنىن عانا ەمەس، سونىمەن قاتار ونىڭ قاجەت شارا ەكەنىن كورسەتۋ ءۇشىن ۆاكتسينا سالدىرۋ قاجەت دەپ شەشۋدە.

«ەكىنشى جىل قاتارىنان بۇكىل الەم كوروناۆيرۋس پاندەمياسىنىڭ سالدارىنان قاتاڭ شەكتەۋلەر رەجيمىندە ءومىر سۇرۋدە، ودان قازاقستان دا زارداپ شەكتى. بۇگىنگى كۇنى بۇرىنعى ومىرگە تەز ورالۋعا كومەكتەسەتىن جالعىز قۇرال - ۆاكتسيناتسيا. سوڭعى كەزدەرى بۇل پروتسەدۋرا دىنگە قايشى كەلەدى دەگەن كوپتەگەن اڭىزدار پايدا بولدى، بىراق ولاي ەمەس. ۆاكتسيناتسيا ەشقانداي جولمەن ورازانى بۇزبايدى، ويتكەنى سۇيىقتىق (زات) قانعا اس قورىتۋ جۇيەسى ارقىلى ەنبەيدى. ۆاكتسيناتسيا دەنساۋلىقتى ساقتاۋعا جانە باسقالاردى قورعاۋعا كومەكتەسەدى. ءدىن بۇعان قارسى كەلمەيدى»، دەدى ەركىنبەك شوقاي.

ەسكە سالا كەتسەك، قمدب مالىمەتتەرىنە سايكەس، ىشكە تابيعي جولمەن (اۋىز، مۇرىن، تىك ىشەك ارقىلى) ەنەتىن بارلىق نارسە ورازانى بۇزادى، ال ەگەر زات اعزاعا سىرتقى قولدانۋ ارقىلى ەنسە، وندا ورازا بۇزىلمايدى. بۇل تۋرالى «فاتاۆا حينديا» كىتابىندا بىلاي دەلىنگەن: «ماي سياقتى زاتتىڭ تەرى تەسىگى ارقىلى ەنۋى ورازانى بۇزبايدى» (1-توم، 266-بەت). ۆاكتسينا-بۇل باكتەريالار مەن ۆيرۋستار سياقتى ميكروورگانيزمدەردەن الىنعان جانە ادام اعزاسىنا جۇقپالى اۋرۋلاردىڭ الدىن الۋ جانە يممۋندىق قاسيەتتەردى ارتتىرۋ ءۇشىن ەنگىزىلگەن پرەپارات، بۇل اعزانى ەنەرگيامەن قامتاماسىز ەتەتىن قاجەتتى تاماق نەمەسە ۆيتامين ەمەس.

وسىعان بايلانىستى ۆاكتسينالار (تەرى استىنا، بۇلشىقەت ىشىنە، كوكتامىر ىشىنە ەنگىزىلسە) ورازانى بۇزبايدى.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار