پرەزيدەنت • 17 ءساۋىر، 2021

قازاقستان پرەزيدەنتىن بىرقاتار مەملەكەت باسشىسى رامازان ايىنىڭ باستالۋىمەن قۇتتىقتادى

53 رەت كورسەتىلدى

مەملەكەت باسشىسى قاسىم-جومارت توقاەۆتىڭ اتىنا قاسيەتتى رامازان ايىنىڭ باستالۋىنا وراي شەت مەملەكەتتەردىڭ باسشىلارىنان جانە حالىقارالىق ۇيىمداردىڭ جەتەكشىلەرىنەن قۇتتىقتاۋ حاتتار مەن جەدەلحاتتار كەلىپ تۇسۋدە، دەپ حابارلايدى Egemen.kz اقورداعا سىلتەمە جاساپ.

وزبەكستان پرەزيدەنتى شاۆكات ميرزيوەۆ جەدەلحاتىندا قاسىم-جومارت توقاەۆقا ۇزاق ءومىر، زور دەنساۋلىق جانە ونىڭ اسا جاۋاپتى قىزمەتىنە تابىس تىلەپ، باۋىرلاس قازاقستان حالقىنىڭ ءوسىپ-وركەندەي بەرۋىنە نيەتتەستىك بىلدىرگەن. سونداي-اق شاۆكات ميرزيوەۆ ەكى ەل اراسىنداعى قارىم-قاتىناستاردىڭ قارقىندى دامىپ كەلە جاتقانىن اتاپ وتكەن.

«ەكى ەل اراسىنداعى تاتۋ كورشىلىككە، جاقىن دوستىققا، ءوزارا قۇرمەتكە جانە قولداۋ كورسەتۋگە نەگىزدەلگەن ستراتەگيالىق سەرىكتەستىك ورتاق ساياسي ەرىك-جىگەرىمىزدىڭ ارقاسىندا سوڭعى جىلدارى مۇلدە جاڭا دەڭگەيگە كوتەرىلگەنى كۇمانسىز. ءبىزدىڭ تابىستى بايلانىستارىمىز بەن ۇزاقمەرزىمدى سەرىكتەستىگىمىز ودان ءارى دامي بەرەتىنىنە سەنىمدىمىن»، – دەلىنگەن وزبەكستان باسشىسىنىڭ جەدەلحاتىندا.

ساۋد ارابياسىنىڭ كورولى سالمان بەن ابدەلازيز ءال ساۋد جانە ساۋد ارابياسى كورولدىگىنىڭ تاق مۇراگەرى مۇحاممەد بەن سالمان بەن ابدەلازيز ءال ساۋد وزدەرىنىڭ جەدەلحاتتارىندا قازاقستان پرەزيدەنتىن قاسيەتتى رامازان ايىنىڭ باستالۋىمەن قۇتتىقتاپ، وعان زور دەنساۋلىق جانە باقىت تىلەگەن، سونداي-اق، باۋىرلاس قازاقستان حالقىنىڭ ودان ءارى ءوسىپ-وركەندەي بەرۋىنە تىلەكتەستىك بىلدىرگەن.

سونىمەن قاتار قازاقستان پرەزيدەنتىنە قاتار ءامىرى شەيح تاميم بەن حاماد ءال ءتاني، يوردانيا كورولى II ابداللا، ومان سۇلتانى حايسام بەن تاريق، كۋۆەيت ءامىرى شەيح ناۆاف ءال-احماد ءال-دجابەر ءاس-ساباح، كۋۆەيتتىڭ تاق مۇراگەرى ميشال ءال-احمەد ءال-دجابەر ءاس-ساباح، باحرەين كورولى حاماد بەن يسا ءال حاليفا، ماروككو كورولى VI مۇحاممەد، ەگيپەت پرەزيدەنتى ابدەل فاتتاح ءاس-سيسي، يراك پرەزيدەنتى بارحام سالەح، پالەستينا پرەزيدەنتى ماحمۋد ابباس، قاتار شەيحىنىڭ ورىنباسارى ابداللا بەن حاماد ءال ءتاني جانە يسلام ىنتىماقتاستىعى ۇيىمىنىڭ باس حاتشىسى يۋسەف ءال-وسەيمين وزدەرىنىڭ قۇتتىقتاۋ حاتتارىن جولدادى.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار