قازاقستان • 17 ءساۋىر، 2021

ۇكىمەتتىڭ باستاماسىمەن ازىرلەنگەن ءاربىر زاڭ جوباسى جۇرتشىلىقپەن تالقىلانادى

14 رەت كورسەتىلدى

بيىلعى 12 ناۋرىزداعى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە نورماشىعارماشىلىقتى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭى زاڭداردى قابىلداۋدىڭ نەعۇرلىم اشىق تەتىگىن كوزدەيدى. ەندى ۇكىمەتتىڭ باستاماسىمەن ازىرلەنگەن ءاربىر زاڭ جوباسىنىڭ الدىندا جۇرتشىلىقپەن كونسۋلتاتسيالار وتكىزۋگە ارنالعان كونسۋلتاتيۆتىك قۇجات بولادى. ادىلەت ۆيتسە-ءمينيسترى ناتاليا پان ەنگىزىلگەن وزگەرتۋلەر مەن تۇزەتۋلەر جايلى ايتىپ بەردى.

ونىڭ ايتۋىنشا، كونسۋلتاتيۆتىك قۇجات سالانىڭ پروبلەماسىن نەعۇرلىم تەرەڭ قالىپتاستىرۋعا جانە كورۋگە، ولاردى شەشۋدىڭ ادىستەرى مەن تاسىلدەرىن پىسىقتاۋعا مۇمكىندىك بەرەدى.


«زاڭ جوبالارىن ازىرلەۋ ءراسىمىنىڭ ءوزى كەلەسىدەي. مەملەكەتتىك ورگاندار پروبلەمانى انىقتاعان كەزدە ءتيىستى تالداۋ جۇرگىزۋگە جانە ونىڭ ناتيجەلەرىن كونسۋلتاتيۆتىك قۇجاتتا كورسەتۋگە ءتيىس. بۇدان ءارى كونسۋلتاتيۆتىك قۇجات جۇرتشىلىقپەن جانە ونىڭ ناقتى نىسانالى توپتارىمەن كونسۋلتاتسيالار وتكىزۋ ءۇشىن «اشىق نقا» پورتالىندا جاريالانادى. جۇرتشىلىقپەن تالقىلاۋلار ءبىر نەمەسە بىرنەشە تاسىلدەردى پايدالانا وتىرىپ جۇرگىزىلەدى: «اشىق نقا» پورتالىندا تالقىلاۋ، جاريا تىڭداۋلار مەن پىكىرتالاستار. قوعاممەن تالقىلانعاننان كەيىن عانا مەملەكەتتىك ورگان تالقىلاناتىن ماسەلەنى شەشۋ ءۇشىن زاڭ ازىرلەۋدىڭ ورىندىلىعى تۋرالى شەشىم قابىلدايدى»، دەپ اتاپ ءوتتى سپيكەر.


وسىلايشا، حالىق زاڭنامالىق باستامانىڭ ەڭ ەرتە كەزەڭىنەن باستاپ ۋاكىلەتتى ورگاندار قابىلداعان شەشىمدەرگە تارتىلاتىن بولادى.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار