ماڭعىستاۋ وبلىسىندا «قالقان-2021» وقۋ-جاتتىعۋى اياقتالدى

قازاقستان • 16 ءساۋىر، 2021

ماڭعىستاۋ وبلىسىندا «قالقان-2021» وقۋ-جاتتىعۋى اياقتالدى

39 رەت كورسەتىلدى

بىرلەسكەن جەدەل-تاكتيكالىق وقۋ-جاتتىعۋعا قارۋلى كۇشتەردىڭ اسكەري بولىمدەرى مەن بولىمشەلەرى، ۇلتتىق قاۋىپسىزدىك ورگاندارى، شەكارا قىزمەتى مەن ۇلتتىق ۇلان بولىمشەلەرى قاتىستى، دەپ حابارلايدى Egemen.kz.

جانبولات كەنجەعۇل

قر قم

قورعانىس ءمينيسترى گەنەرال-لەيتەنانت نۇرلان ەرمەكباەۆ، ۇلتتىق قاۋىپسىزدىك كوميتەتى شەكارا قىزمەتىنىڭ ديرەكتورى گەنەرال-لەيتەنانت دارحان ءدىلمانوۆ، ۇلتتىق ۇلاننىڭ باس قولباسشىسى گەنەرال-لەيتەنانت رۋسلان جاقسىلىقوۆ وقۋ-جاتتىعۋ تاسىلدەرىنىڭ ورىندالۋىن باقىلادى.

نەگىزگى ءىس-قيمىل، وقۋ-جاتتىعۋدىڭ جوسپارىنا سايكەس شەكارا ماڭىنداعى اۋداندا باستالدى. العاش رەت مەملەكەت اۋماعىن كۇزەتۋ بويىنشا شەكارا قىزمەتتەرى مەن قارۋلى كۇشتەردىڭ بولىمشەلەرى بىرلەسكەن ءىس-قيمىلدى ءىس جۇزىندە پىسىقتادى. سونداي-اق قۇرامىندا ارنايى وپەراتسيالار كۇشتەرى بار بىرلەسكەن اسكەر توپتارى قۇرىلدى. اسكەرلەردىڭ ءىس-قيمىلى كەزىندە زاماناۋي قارۋلى قاقتىعىستار تاجىريبەسى كەڭىنەن قولدانىلدى.

slider

بۇل وقۋ-جاتتىعۋدىڭ ءادىس-تاسىلدەرىنىڭ ەرەكشەلىگى كاسپي تەڭىزىنىڭ جاعالاۋىندا ارنايى وپەراتسيالار كۇشتەرى قۇرالىمدارىنىڭ تولاسسىز جاساعان ءىس-قيمىلىندا كورىندى.

اسكەري قىزمەتشىلەر وتتەگى جابدىعىن پايدالانا وتىرىپ، جەردەن اسا بيىك ەمەس ارالىقتا پاراشيۋتپەن دەسانت ءتۇسىردى. بۇل سەكىرۋلەر جوعارى دالدىكپەن ورىندالىپ، ءارى قاراي اۋماقتا بارلاۋ جۇرگىزدى.

بىرقاتار تاكتيكالىق ءىس-قيمىلدار العاش رەت ورىندالدى.

slider

ۇتقىر توپتاردان دەسانت تۇسىرۋدە ولاردىڭ ودان ءارى جاسايتىن ءىس-قيمىلدارىنا تەحنيكانى (كۆادروتسيكلدەردى) جەتكىزۋ اسكەري اۆياتسيا تىكۇشاقتارىنىڭ سىرتقى ىلمەكتەرى ارقىلى جۇزەگە اسىرىلدى.

اسكەري-تەڭىز كۇشتەرىنىڭ زىمىران-ارتيللەريالىق كەمەلەرىنىڭ قولداۋىمەن ءبىر ۋاقىتتا اسكەري جۇزگىشتەر سۋ ءۇستى جانە سۋ استى تاسىلدەرىمەن تەڭىز جاعاسىنداعى پلاتسدارمدى باسىپ الدى.

slider

جاۋىنگەرلىك ءىس-قيمىلداردى جۇرگىزۋ كەزىندە ارنايى وپەراتسيالار كۇشتەرىنىڭ جاۋىنگەرلەرى 2020 جىلدان باستاپ اسكەرلەردىڭ جاۋىنگەرلىك دايارلىق باعدارلاماسىنا ەنگىزىلىپ جاتقان ارميالىق تاكتيكالىق اتىس تاسىلدەرىن قولداندى.

العاش رەت تۇراقتى نەگىزدە اسكەري-كولىك اۆياتسياسىنىڭ ۇشاعىن قوندىرۋ ءۇشىن كولىك جولىنىڭ اۋەايلاق ۋچاسكەسى قولدانىلدى. ولار جەكە قۇرامدى داعدارىس اۋداندارىنا جەتكىزدى.

slider

شابۋىلداۋشى اۆياتسيا مەن ارتيللەريانى قولدانىپ، تەڭىز جاياۋ اسكەرلەرىنىڭ بولىمشەلەرى زاڭسىز قارۋلى قۇرالىمداردىڭ ىشكى جاققا وتۋىنە جول بەرمەدى.

قارسىلاستىڭ ۇشقىشسىز ۇشۋ قۇرىلعىلارى انىقتالىپ، ولار راديوەلەكتروندى بارلاۋ جانە كۇرەس قۇرالدارىنىڭ كومەگىمەن جويىلدى.

اۋەدەن قونعان شابۋىلداۋشى توپتار شارتتى قارسىلاستى قاپتالدان قورشاپ، ولاردى مەحانيكالاندىرىلعان بولىمشەلەر جويدى.

slider

قورعانىس ءىس-قيمىلدارىن قولدانعان كەزدە «ساق قورعانى» دەپ اتالعان تاكتيكالىق ءىس-قيمىل پىسىقتالدى.

slider

بۇل ءشولدى جەرلەردە قارسىلاستان تاسا بولاتىن بىرنەشە ۇيمەكتەرىن (قورعاندارىن) اتىس پوزيتسياسى رەتىندە قولدانىلاتىن جابدىقتاردى قاراستىرادى. قوسىمشا بەكىنىستە تۇرعان تانك ۇشقىشسىز ۇشۋ اپپاراتىنىڭ وپەراتورىنان باسقاۋ پۋنكتىندە قارسىلاس جونىندە مالىمەت الىپ، انىقتالعان نىساندارعا وق جاۋدىرتادى. ودان كەيىن، اسكەري كولىك تاساعا تىعىلىپ، جاڭا نۇسقاۋلاردى كۇتەدى. بۇل تاكتيكالىق ءادىس قارسىلاستىڭ اتىسىنان تانكتىڭ زارداپ شەگۋىن تومەندەتۋگە، سونىمەن قاتار، انىقتالعان نىسانداردى زاقىمداۋدىڭ تيىمدىلىگى مەن ويلاماعان جەردەن ورىندالۋىنا مۇمكىندىك بەرەدى.

slider

قورعانىس ءمينيسترى وقۋ-جاتتىعۋعا قاتىسۋشىلاردىڭ ءىس-قيمىلىنا جوعارى باعا بەردى. اسكەري قىزمەتشىلەرگە وقۋ-جاتتىعۋ بارىسىندا العان تاجىريبەلەرىنىڭ ناتيجەلەرىن اسكەرلەرگە ەنگىزۋ جانە قولدانۋ قاجەت ەكەنىن اتاپ ءوتتى.

slider