قوعام • 16 ءساۋىر، 2021

قوجا احمەت ياساۋي كەسەنەسىنىڭ باس كۇمبەزى قالاي جاڭارتىلدى؟

14 رەت كورسەتىلدى

مادەنيەت جانە سپورت ءمينيسترى اقتوتى رايىمقۇلوۆا قوجا احمەت ياساۋي كەسەنەسىنىڭ باس كۇمبەزىن جاڭارتۋ جۇمىستارى قالاي جۇرگىزىلگەنىن ايتتى، دەپ حابارلايدى Egemen.kz.

«رۋحاني جاڭعىرۋ باعدارلاماسى اياسىندا قالانىڭ بىرەگەي ساۋلەت ەلەمەنتتەرى مەن بىرەگەي ەرەكشەلىكتەرىن ساقتاي وتىرىپ، تۇركىستاننىڭ تاريحي ورتالىعىن قايتا جاڭعىرتۋ بويىنشا بەلسەندى جۇمىس جالعاسىپ جاتىر. رەستاۆراتسيا، رەكونسترۋكتسيا جانە ارحەولوگيالىق زەرتتەۋلەر بويىنشا بارلىق جۇرگىزىلەتىن جۇمىستار حالىقارالىق ساراپشىلاردىڭ جانە يۋنەسكو سياقتى بەدەلدى ۇيىمداردىڭ ۇسىنىمدارىنا سايكەس جۇرگىزىلىپ كەلەدى»، دەدى اقتوتى رايىمقۇلوۆا.

بۇدان سوڭ، ول ازىرەت سۇلتان مۋزەي-قورىعىنىڭ ءاربىر نىسانىن دامىتۋدىڭ تۇجىرىمدامالىق جوسپارى ازىرلەنگەنىن ءسوز ەتتى.

«تاريحي مالىمەتتەر نەگىزىندە، سونداي-اق، ەلىمىزدىڭ تانىمال عالىمدارىن تارتا وتىرىپ، باستى نىسانى – قوجا احمەت ياساۋي كەسەنەسى بولىپ تابىلاتىن ازىرەت سۇلتان مۋزەي-قورىعىنىڭ ءاربىر نىسانىن دامىتۋدىڭ تۇجىرىمدامالىق جوسپارى ازىرلەندى. وسىلايشا قولدانىستاعى ماتەريالداردى بارىنشا ساقتاي وتىرىپ، قوجا احمەت ياساۋي كەسەنەسىنىڭ باس كۇمبەزى جاڭارتىلدى»، دەدى مينيستر.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار