قوعام • 16 ءساۋىر، 2021

تۇركىستانعا كەلۋشىلەر سانى 3،5 ملن-عا دەيىن ۇلعايادى – اقتوتى رايىمقۇلوۆا

28 رەت كورسەتىلدى

2025 جىلعا قاراي تۇركىستانعا كەلۋشى تۋريستەر اعىمى 3،5 ملن-عا دەيىن ۇلعايادى. بۇل تۋرالى مادەنيەت جانە سپورت ءمينيسترى اقتوتى رايىمقۇلوۆا ەلباسى كىتاپحاناسىندا ءوتىپ جاتقان «تۇركىستان – تۇركى الەمىنىڭ رۋحاني استاناسى» حالىقارالىق ونلاين-كونفەرەنتسياسىندا ايتتى، دەپ حابارلايدى Egemen.kz.

«تۇركىستاننىڭ ورتالىق ازياداعى وڭىرلىك ءتۋريزمنىڭ ءىرى ورتالىعى رەتىندە دامۋى ءۇشىن بارلىق جاعدايدى جاساۋ ماڭىزدى. 2020 جىلى بىرقاتار ءىرى جوبا ىسكە اسىرىلدى. ولاردىڭ قاتارىندا جىبەك جولى بويىنشا گراند-تۋر جانە تۋريزم زياراتىن ازىرلەۋ، مادەني-تاريحي وبەكتىلەر بويىنشا اقپاراتتىق تۋرلار، اگرو-تۋرلار بويىنشا ەكسپەديتسيالار، ازىرەت سۇلتاندا وقۋشىلار ءۇشىن ارنايى ساباقتار، ساناتوري-كۋرورتتىق تۋريزم بويىنشا زەرتتەۋلەر دە بار»، دەدى اقتوتى رايىمقۇلوۆا.

ءمينيستردىڭ ايتۋىنشا، ءوڭىردىڭ تابيعي ەسكەرتكىشتەرى كەلۋشىلەردىڭ قىزىعۋشىلىعىن تۋدىرادى.

«باي تاريحتى، زاماناۋي ينفراقۇرىلىمدى، كوپتەگەن تاريحي-مادەني وبەكتىلەردى جانە تابيعي ەسكەرتكىشتەردى ەسكەرە وتىرىپ، ءوڭىردىڭ تۋريستىك الەۋەتى كۇننەن كۇنگە ارتىپ، 2025 جىلى تۋريستەر اعىمىنىڭ 3،5 ملن ادامعا دەيىن ۇلعايۋى كۇتىلۋدە. مادەنيەت جانە تۋريزم سالالارىنىڭ سەمبيوزى دامىعان رۋحاني قوعام قالىپتاستىرۋعا مۇمكىندىك بەرەدى»، دەدى ول.

ەسكە سالا كەتەيىك، ەلباسى كىتاپحاناسىندا «تۇركىستان – تۇركى الەمىنىڭ رۋحاني استاناسى» حالىقارالىق ونلاين-كونفەرەنتسياسى ءوتىپ جاتىر.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار