رۋحانيات • 16 ءساۋىر، 2021

«تۇركىستان – تۇركى الەمىنىڭ رۋحاني استاناسى» اتتى حالىقارالىق كونفەرەنتسيا باستالدى

120 رەت كورسەتىلدى

بۇگىن، 16 ءساۋىر كۇنى ساعات 15:00-دە ەلباسى كىتاپحاناسىندا «تۇركىستان – تۇركى الەمىنىڭ رۋحاني استاناسى» حالىقارالىق ونلاين-كونفەرەنتسياسى باستالدى، دەپ حابارلايدى Egemen.kz

ءىس-شارانى قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى، مادەنيەت جانە سپورت مينيسترلىگى جانە نۇرسۇلتان نازارباەۆ قورىنىڭ ۇيىتقى بولۋىمەن ۇيىمداستىرىلىپ وتىر.

كونفەرەنتسيا بارىسىندا 2021 جىلعى 31 ناۋرىزدا وتكەن تۇركىتىلدەس مەملەكەتتەر ىنتىماقتاستىعى كەڭەسى بەيرەسمي ءسامميتىنىڭ تاريحي قورىتىندىلارىن ساراپتامالىق دەڭگەيدە تالقىلانۋدا.

ءىس-شارانىڭ مودەراتورى ەلباسى كىتاپحاناسىنىڭ ديرەكتورى ب.تەمىربولات.

كونفەرەنتسياعا قازاقستاندىق جانە شەتەلدىك مەملەكەت قايراتكەرلەرى مەن عالىمدار قاتىسىپ وتىر. ولاردىڭ قاتارىندا تۇركىستان وبلىسىنىڭ اكىمى ءو.شوكەەۆ، مادەنيەت جانە سپورت ءمينيسترى ا. رايىمقۇلوۆا، سىرتقى ىستەر ءمينيسترىنىڭ ورىنباسارى ش. نۇرىشەۆ، تۇركيا رەسپۋبليكاسى پرەزيدەنتىنىڭ كەڭەسشىسى يا.توپچۋ، تۇركىتىلدەس مەملەكەتتەر ىنتىماقتاستىعى كەڭەسىنىڭ باس حاتشىسى ب.امىرەەۆ، ازەربايجان رەسپۋبليكاسى ۇلتتىق ءماجىلىسىنىڭ دەپۋتاتى، ازەربايجانداعى اتاتۇرىك ورتالىعىنىڭ توراعاسى ن.دجافاروۆ، حالىقارالىق تۇركى اكادەمياسىنىڭ پرەزيدەنتى د. قىدىرالى، تۇركسوي باس حاتشىسىنىڭ ورىنباسارى ب. چاكىدجي، ارحەولوگ ز.ساماشەۆ، ميرزو ۇلىقبەك اتىنداعى وزبەكستان ۇلتتىق ۋنيۆەرسيتەتىنىڭ «فيلوسوفيا جانە رۋحانيات نەگىزدەرى» كافەدراسىنىڭ مەڭگەرۋشىسى ن.شەرمۋحامەدوۆا جانە باسقالار بار.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار