ەكونوميكا • 16 ءساۋىر، 2021

قازاقستان ۇلتتىق بانكى مەن حۆق ەكى جاقتى ىنتىماقتاستىق ماسەلەلەرىن تالقىلادى

38 رەت كورسەتىلدى

قازاقستان ۇلتتىق بانكىنىڭ توراعاسى ەربولات دوساەۆ پەن حالىقارالىق ۆاليۋتا قورىنىڭ (بۇدان ءارى – حۆق) باسقارۋشى ديرەكتورى كريستالينا گەورگيەۆا حۆق مەن دۇنيەجۇزىلىك بانك توبىنىڭ كوكتەمگى كەزدەسۋلەرى اياسىندا ونلاين كەزدەسۋ وتكىزدى، دەپ حابارلايدى Egemen.kz

تاراپتار قازىرگى ماكروەكونوميكالىق احۋالدى، COVID-19-دىڭ قازاقستان ەكونوميكاسىنا تەرىس سالدارىن ازايتۋ ماقساتىندا داعدارىسقا قارسى شارالاردىڭ جۇزەگە اسىرىلۋىن، اقشا-كرەديت ساياساتى ماسەلەلەرىن، سونداي-اق ەلدىڭ قارجى سەكتورىن ودان ءارى دامىتۋ ماسەلەلەرىن تالقىلادى. 

ۆيرتۋالدى كەزدەسۋ بارىسىندا حۆق تاراپىنان ماكروبولجامداۋدى، سترەسس-تەستىلەۋدى، كيبەرقاۋىپسىزدىكتى جانە تاۋەكەل-مەنەدجمەنتتى دامىتۋ بويىنشا تەحنيكالىق كومەك كورسەتۋ ماسەلەسى قارالدى، سونىمەن قاتار 2021 جىلدىڭ كۇزىندە قازاقستاننىڭ قارجى نارىعىنا كەشەندى باعالاۋ جۇرگىزۋ مۇمكىندىگى تالقىلاندى.

كەزدەسۋدى قورىتىندىلاي كەلە قازاقستان ۇلتتىق بانكىنىڭ توراعاسى ەربولات دوساەۆ پەن حۆق باسقارۋشى ديرەكتورى كريستالينا گەورگيەۆا كاۆكاز، ورتالىق ازيا جانە موڭعوليا مەملەكەتتەرىنە ارنالعان الەۋەتتى دامىتۋ وڭىرلىك ورتالىعىنىڭ ونلاين-ۆەبينارلارلارى تابىستى وتكەنىن ايتتى جانە ونىڭ جىل سوڭىنا دەيىن الماتى قالاسىندا ءىس جۇزىندە اشىلۋىنا قاتىستى ماسەلەلەرىن تالقىلادى.

 

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار