الەم • 16 ءساۋىر، 2021

ارنايى وكىل: اۋعانستانداعى جاعدايدى قالپىنا كەلتىرۋ ءۇشىن وڭىرلىك ىنتىماق كەرەك

5 رەت كورسەتىلدى

ەۋروپالىق وداق پەن ورتالىق ازيا ەلدەرىنىڭ اۋعانستان بويىنشا ارنايى وكىلدەرىنىڭ العاشقى كەزدەسۋى بەينەكونفەرەنتسيا فورماتىندا ءوتتى. ءىس-شارا اۋعانستان بويىنشا كەڭەيتىلگەن وڭىرلىك ىنتىماقتاستىققا، ونىڭ ىشىندە ورتاق باستامالاردى ازىرلەۋگە ارنالدى، دەپ حابارلايدى Egemen.kz.

كەزدەسۋگە ەو-نىڭ ورتالىق ازيا بويىنشا ارنايى وكىلى پيتەر بۋريان، ەو-نىڭ اۋعانستان بويىنشا ارنايى وكىلى رولاند كوبيا، سونداي-اق قازاقستان، وزبەكستان، تاجىكستان مەن تۇرىكمەنستاننىڭ اۋعانستان بويىنشا ارنايى وكىلدەرى قاتىستى.

قازاقستان رەسپۋبليكاسى پرەزيدەنتىنىڭ اۋعانستان بويىنشا ارنايى وكىلى تالعات قاليەۆ ءوز سوزىندە قازاقستان اۋعانستانداعى جاعدايدى تۇراقتاندىرۋ جونىندەگى حالىقارالىق كۇش-جىگەردى ءاردايىم قولدايتىنىن، بۇل ەلگە جىل سايىن جان-جاقتى كومەك كورسەتىپ وتىرعانىن مالىمدەدى.

ت.قاليەۆ اۋعانستاندى قالپىنا كەلتىرۋ ءۇشىن كەڭەيتىلگەن وڭىرلىك ىنتىماقتاستىقتىڭ ماڭىزدىلىعىن اتاپ ءوتىپ، ەۋروپالىق سەرىكتەستەردىڭ وسى باعىتتاعى ىقپالداستىعىن جوعارى باعالادى.

كەزدەسۋ قورىتىندىسى بويىنشا بىرلەسكەن مالىمدەمە قابىلدانىپ، وندا قاتىسۋشىلار اۋعانستانداعى جاعدايدى رەتتەۋ جونىندەگى بارلىق حالىقارالىق باستامالارعا قولداۋىن، سونداي-اق بەيبىتشىلىك ورناتۋعا ۇلەس قوسۋ ماقساتىندا كەڭ اۋقىمدى ىنتىماقتاستىققا ورتاق بەيىلدىلىگىن قۋاتتادى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار