ەكولوگيا • 15 ءساۋىر، 2021

الماتى وبلىسىندا ورمان القاپتارى ورتەندى

1149 رەت كورسەتىلدى

الماتى وبلىسى بالقاش اۋدانى اۋماعىندا ورمان القاپتارى ورتەندى، دەپ حابارلايدى Egemen.kz ەگترم ورمان شارۋاشىلىعى جانە جانۋارلار دۇنيەسى كوميتەتىنە سىلتەمە جاساپ.

«14 ساۋىردە بالقاش اۋدانىنىڭ جەر قورىندا بولعان دالا ءورتى قاتتى جەلدىڭ اسەرىنەن كۇرتى وشكمم تاۋ-قۇم ورمانشىلىعىنا اۋىسقان. 2021 جىلى 15 ساۋىردە «قازاۋەورمانقورعاۋ» رمقك ۇشاعىمەن اۋەدەن باقىلاۋ جۇرگىزىلدى. ۇشقىش باقىلاۋشى بەرگەن اقپاراتقا سايكەس، جەل جىلدامدىعىنىڭ توقتاۋىنا بايلانىستى ءورتتىڭ تارالۋى توقتاتىلعان»، دەپ جازىلعان كوميتەت حابارلاماسىندا.

قازىرگى ۋاقىتتا كۇرتى ورمان شارۋاشىلىعىنان 30 ادام، 1 ءورت ءسوندىرۋ اۆتوكولىگى، 1 تراكتور، 5 جەڭىل اۆتوكولىك، اۋداندىق تجب-دان – 1 كولىك، 6 ادام، «قازاۋەورمانقورعاۋ» مەكەمەسىنەن – 9 ادام، جەلتوراڭعى اۋىلدىق وكرۋگىنەن – 6 ادام ورمان ءورتىن سوندىرۋگە كىرىسكەن. ءورت ءسوندىرۋ كەزىندە ەشكىم جاراقات العان جوق.

ءورتتىڭ اۋماعى مەن كەلتىرىلىگەن زالال كولەمى، ءورت تولىق جويىلعاننان كەيىن ەسەپتەلىپ، قوسىمشا ۇسىنىلادى.

«سونىمەن بىرگە، 15 ساۋىردە ساعات 12:00-دەگى اقپارات بويىنشا، ءورت «ىلە-بالقاش» مەملەكەتتىك تابيعي رەزەرۆاتىندا ىلە ساعاسىندا 10-15 شاقىرىم جەردە باستالىپ، رەزەرۆاتتىڭ 13 ورامى 1 تەلىمىنە اۋىسقان. ءورت بولىپ جاتقان جەر – سۋلى-باتپاقتى اۋماق. ءورتتى سوندىرۋگە رەزەرۆاتتان 2 اۆتوكولىك پەن 9 ادام جىبەرىلگەن»، دەپ حابارلادى كوميتەت.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار