ايماقتار • 15 ءساۋىر، 2021

تۇركىستاندا «كىتاپحانالىق كەرۋەن – 30 اۋىلعا» اتتى كىتاپ فەستيۆالى وتەدى

38 رەت كورسەتىلدى

تۇركىستان وبلىسىندا ەل تاۋەلسىزدىگىنىڭ 30 جىلدىعىنا وراي، اۋىل جاستارىن كىتاپ وقۋعا ىنتالاندىرۋ ماقساتىندا «كىتاپحانالىق كەرۋەن – 30 اۋىلعا» جانە « ۇلى دالا رۋحانياتى» اتتى وبلىستىق كىتاپ فەستيۆالدەرىن وتكىزۋ جوسپارلانىپ وتىر، دەپ حابارلايدى Egemen.kz

وبلىستىق مادەنيەت باسقارماسىنىڭ باسشىسى ءازىمحان قويلىباەۆ بريفينگتە وڭىردەگى 390 كىتاپحانادا بىلتىر 3858 كوپشىلىك ءىس-شارا ۇيىمداستىرىلىپ، وعان 230 382 وقىرمان قاتىسقانىن اتاپ ءوتتى. سونداي-اق، ءوڭىر كىتاپحانالارى 121 686 دانا جاڭا كىتاپتارمەن تولىققان. بۇدان بولەك، «ەڭ كوپ وقىلاتىن 100 كىتاپ»، «التىن قورعا ۇلەس قوس»، «كىتاپحاناعا سىي» اكتسيالارى ۇيىمداستىرىلىپ، 18 090 دانا كىتاپ كىتاپحانالاردىڭ قورىنا سىيعا بەرىلگەن.

«حالىققا قازىرگى زامان تالابىنا ساي قىزمەت كورسەتۋ ماقساتىندا، Nur Otan پارتياسىنىڭ جوباسىنا سايكەس، بىرقاتار اۋداندار مەن قالالارداعى ورتالىقتاندىرىلعان كىتاپحانالار جۇيەسىنەن كوۆوركينگ ورتالىقتارى اشىلدى»، دەدى ءازىمحان سەرىك ۇلى.

سونداي-اق باسقارما باسشىسىنىڭ مالىمدەۋىنشە،  بيىل «تەاتر كوكتەمى-2021» تۇركى حالىقتارىنىڭ تەاتر فەستيۆالى، «تۇركىستانىم – تۇرانىم» تۇركى حالىقتارى سۋرەتشىلەرىنىڭ سيمپوزيۋمى، «تۇركىلەر ءتورى – تۇركىستان» تۇركىتىلدەس ەلدەر اقىن-جازۋشىلارىنىڭ كەزدەسۋى جانە كىتاپ كورمەسى، «التىن ساقا» تۇركى الەمىنىڭ انيماتسيالىق فيلمدەرى، «سالەم ساعان، تۇركىستان» ونەر فەستيۆالدەرىن وتكىزۋ جوسپارلانۋدا.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار