ىزگىلىكتى قىزمەتىنە تابىس تىلەدى

پارلامەنت ءماجىلىسىنىڭ توراعاسى ورال مۇحامەدجانوۆ “ەۋرازيا ديالوگى” حالىقارالىق قوعامدىق قورىنىڭ پرەزيدەنتى ساليح اقشايدى ونىڭ ءوتىنىشى بويىنشا قابىلدادى, دەپ حابارلادى وسى پالاتانىڭ  ءباسپاسوز قىزمەتى. قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ­تىڭ ەۋرازيالىق يدەياسى كەزدەسۋدىڭ باستى تاقىرىبىنا اينالدى. ءما­جى­لىس توراعاسى ءححى عاسىردا وركە­نيەت­كە باستاعان ەلدەردىڭ اراسىن­داعى مادەني بايلانىستاردى دا­مى­تۋ, بىرىككەن ۇلتتار ۇيىمى جانە الەمدىك قوعامداستىقتىڭ قولداۋىنا يە بولعان قازاقستاننىڭ تاجىريبەسى مەن مەملەكەت باسشىسىنىڭ باستا­مالارىنا توقتالىپ ءوتتى. بۇگىنگى تاڭدا يادرولىق قارۋدان ءبى­رىنشى بولىپ باس تارتقان ەل رەتىن­دە قازاقستاننىڭ بەدەلى ارتىپ كە­لەدى. جاھاندىق دامۋ كەزىندە ىنتى­ماقتاستىق پەن ءوزارا تۇسىنىستىك قا­لىپتاسقان جاعدايدا حالىقتاردىڭ رۋحاني بايلىق ارقىلى جاقىن­دا­سۋىنا مۇمكىندىك تۋاتىنى انىق. مەيمان “ەۋرازيا ديالوگى” تۇعىر­ناماسىنىڭ بۇگىنگى اتقارىپ وتىرعان قىزمەتى تۋرالى باياندادى. ايتا كەتۋ كەرەك, 1998 جىلى ىس­تام­بۇل قالاسىندا وتكەن ەۋرازيا جازۋشىلارى مەن جۋرناليستەرى اس­سوتسياتسياسىنىڭ العاشقى كەزدە­سۋىن­دە ەركىن, تابىس تابۋدى كوز­دە­مەيتىن, مەملەكەتتەردىڭ ساياسي ءىس-ارەكەتىنە ارالاسپايتىن حالىقارا­لىق “ەۋرازيا ديالوگى” تۇعىرنا­ما­سىن قۇرۋ تۋرالى وي تۋىنداعان. اتال­عان ۇيىم وسىلاي دۇنيەگە كەلگەن. كەزدەسۋ سوڭىندا ءماجىلىس ءتور­اعاسى مەيماننىڭ ىزگىلىك جولىن­داعى قىزمەتىنە تابىس تىلەدى. ءماجىلىس بيۋروسىنىڭ كەزەكتى وتىرىسى پارلامەنت ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن وتكەن پالاتا بيۋروسىنىڭ وتىرىسىندا ءماجىلىستىڭ جالپى وتىرىسىنا شىعارىلاتىن ماسەلەلەر سارالاندى, دەپ حابارلادى وسى پالاتانىڭ ءباسپاسوز قىزمەتى. دەپۋتاتتاردىڭ تالقىسىنا “قا­زاقستان  رەسپۋبليكاسىنىڭ  ۇكىمەتى  مەن رەسەي فەدەراتسيا­سىنىڭ ۇكى­مەتى اراسىنداعى رەسەي فەدە­را­تسياسىنىڭ “بايقوڭىر” كەشەنىن جالعا الۋ جاعدايىندا بايقوڭىر عارىش ايلاعىنىڭ پەرسونالىنا, بايقوڭىر قالاسىنىڭ, تورەتام جانە اقاي كەنتتەرىنىڭ تۇرعىن­دا­رى­نا مەديتسينالىق قىزمەت كورسەتۋ ءتارتىبى تۋرالى كەلىسىمدى راتيفي­كا­تسيالاۋ تۋرالى” زاڭ جوباسى ۇسى­نىلاتىن بولدى. سونىمەن قاتار, “1995 جىلعى 23 جەلتوقسانداعى قازاقستان رەس­پۋب­ليكاسى مەن رەسەي فەدەراتسياسى اراسىنداعى بايقوڭىر قالاسىنىڭ مارتەبەسى, ونداعى اتقارۋشى وكىمەت ورگاندارىن قۇرۋدىڭ ءتارتىبى مەن ولاردىڭ مارتەبەسى تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى” زاڭ جوباسىن تالقىعا سالۋ كوزدەلىپ وتىر. تالقىلاۋعا “قازاقستان رەسپۋب­لي­كاسى مەن يسپانيا كورولدىگى ارا­سىن­داعى ستراتەگيالىق ءارىپ­تەس­تىك تۋرالى شارتتى راتيفيكاتسيالاۋ تۋرالى”  زاڭ جوباسى دا شىعارى­لاتىن بولادى.