ورتالىقتاردىڭ قىزمەتى جەرگىلىكتى قوعامداستىقتى دامىتۋ مودەلىن قۇرۋعا باعىتتالادى. ولاردىڭ بازاسىندا جەرگىلىكتى جەرلەردەگى ساراپشىلار (وفلاين جانە ونلاين) جەرگىلىكتى ءوزىن ءوزى باسقارۋ ء(جوب) بويىنشا كونسۋلتاتسيالار بەرەدى. ياعني جەرگىلىكتى حالىقتىڭ شەشىم قابىلداۋ پروتسەسىنە قاتىسۋ ماسەلەلەرى بويىنشا كەڭەس الۋ مۇمكىندىگى بولادى: جينالىستاردى, جەرگىلىكتى قوعامداستىق جيىندارىن ۇيىمداستىرۋ, جەرگىلىكتى قوعامداستىق مۇشەلىگىنە كىرۋ, ءجوب بويىنشا نقا ءتۇسىندىرۋ جانە باسقا دا ماسەلەلەر.
ورتالىقتار اقپارات جانە قوعامدىق دامۋ مينيسترلىگى مەن ازاماتتىق باستامالاردى قولداۋ ورتالىعىنىڭ قولداۋىمەن «جەرگىلىكتى ءوزىن ءوزى باسقارۋدى دامىتۋعا باعىتتالعان ءىس-شارالار كەشەنىن ۇيىمداستىرۋ» گرانتتىق جوباسى شەڭبەرىندە «ماڭعىستاۋ وبلىسىنىڭ ازاماتتىق اليانسى» زتب كۇشىمەن ىسكە قوسىلادى.
ايتا كەتۋ كەرەك, بۇل جوبا قازاقستاننىڭ 8 وبلىسىندا (اتىراۋ, اقتوبە, جامبىل, شىعىس قازاقستان, اقمولا, پاۆلودار, قاراعاندى جانە قوستاناي وبلىستارى) جۇزەگە اسىرىلادى. جوبا بارىسىندا ۇيىمداستىرۋشىلار جەرگىلىكتى ماڭىزدى ماسەلەلەردى شەشۋ ءۇشىن جالپى قۇنى 8 ملن تەڭگەنى قۇرايتىن ء(ار وڭىرگە 1 ملن تەڭگە) شاعىن گرانتتار كونكۋرسىن وتكىزەدى.
سونداي-اق جوبانى ىسكە اسىرۋ شەڭبەرىندە حالىقتىڭ تسيفرلى ساۋاتتىلىعىن ارتتىرۋعا باعىتتالعان ءبىر كۇندىك 16 وقىتۋ سەمينارى 8 وڭىردە ۇيىمداستىرىلادى. بۇل سەمينارلاردى تۇرعىندار ءۇشىن قارجىلىق ساۋاتتىلىق جانە ازاماتتاردىڭ جەرگىلىكتى بيۋدجەتتەردى باسقارۋ پروتسەسىنە قاتىسۋ مۇمكىندىگى بويىنشا تاقىرىپتىق قولدانبالى كۋرستار تسيكلى مەن الەۋمەتتىك جوبالاۋ جانە باستاماشىلىق بيۋدجەتتەۋ ماسەلەلەرى بويىنشا جەرگىلىكتى اتقارۋشى ورگانداردىڭ قىزمەتكەرلەرىن وقىتۋ كۋرستارىنان وتكىزۋ ءۇشىن جوسپارلانۋدا.
