اتالعان كەلىسىمگە جۋىردا قر اقپارات جانە قوعامدىق دامۋ ءمينيسترى ايدا بالاەۆانىڭ تۇركيا مەملەكەتىنە ساپارىندا قول جەتكىزىلدى.
«احمەت ياساۋي» تەلەحيكاياسى تۇركى الەمىنە ورتاق تۇلعا, سوپىلىق پوەزيانىڭ نەگىزىن قالاۋشى, ورتالىق ازيا مادەنيەتىنە جاڭاشا بەتبۇرىس اكەلگەن فيلوسوف قوجا احمەت ءياساۋيدىڭ عيبراتتى ءومىرى مەن ءجۇرiپ وتكەن كۇرەس جولىن باياندايدى. رەجيسەرى - دوگان ۋميت كارادجا, پروديۋسەرى - يۋسۋف ەسەنكال. جوبا تۇساۋكەسەرى «TRT1» جانە «Qazaqstan» ارنالارىنان ءساۋىر ايىنا جوسپارلانعان.
بۇگىنگى كۇنى «Qazaqstan» تەلەارناسىنىڭ كينوكورسەتىلىم جانە دۋبلياج ءبولىمىنىڭ ماماندارى - اۋدارماشىلار بايان نۇعمان, دوسىم زىكىريا, جاننات الدياروۆا, رەداكتور ناعىز قىپشاقباي, دۋبلياج رەجيسسەرى نۇرگۇل بەكەتاەۆا, دۋبلياج اكتەرلەرى يسلام زەينوللاەۆ, ميراس جاقىپوۆ, اقمارال ابدراحمانوۆا, مۇراتبەك بەيسەمباەۆ جوبانى اۋدارىپ, دىبىستاۋدا.
تەلەحيكايا 19 ساۋىردەن باستاپ دۇيسەنبى-جۇما كۇندەرى 21:30-دا ەفيرگە شىعادى.
بۇعان دەيىن «قازاقستان» تەلەراديوكورپوراتسياسىنىڭ «اباي» تەلەحيكاياسى تۇرىك ەلىندە كورسەتىلەتىنىن حابارلاعان بولاتىنبىز. وسى ساپاردا «TRT AVAZ» ارناسى سەريالدى تۇرىك تىلىنە اۋدارۋ جۇمىستارىن اياقتاعانىن مالىمدەدى. قازاقستاندىق تەلەحيكايا تۇركيالىق كورەرمەندەرگە «TRT AVAZ» ەفيرىنەن جاقىن كۇندەرى ۇسىنىلادى.
