ۆيتسە-ءمينيستردىڭ ايتۋىنشا, 2020 جىلى رەسپۋبليكا بويىنشا 15,3 ملن شارشى مەتر تۇرعىن ءۇي سالىنىپ, 140 مىڭنان استام تۇرعىنجاي پايدالانۋعا بەرىلگەن.
«تۇرعىن ءۇي قۇرىلىسىنا ينۆەستيتسيالار 2019 جىلمەن سالىستىرعاندا 33,6% - عا ءوسىپ, 2 ترلن تەڭگەنى قۇرادى. مەملەكەتتىك قاراجاتتىڭ 1 تەڭگەسىنە 5 تەڭگە جەكە ينۆەستيتسيالار تارتىلدى. «Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىنا سايكەس 2021-2025 جىلدار ارالىعىندا 103 ملن شارشى مەتر جاڭا تۇرعىن ءۇي سالۋدى جوسپارلاپ وتىرمىز. اعىمداعى جىلدىڭ 1 توقسانىنىڭ قورىتىندىسى بويىنشا قۇرىلىس سالاسىندا ەنگىزىلگەن لوكداۋندارعا قاراماستان دامۋدىڭ وڭ سەرپىنى بايقالادى. قۇرىلىس-مونتاج جۇمىستارىنىڭ كولەمى وتكەن جىلمەن سالىستىرعاندا 13% ارتتى. قۇرىلىس بەلسەندىلىگىنىڭ ءوسۋى ماڭعىستاۋ وبلىسىن قوسپاعاندا, 16 وڭىردە بايقالادى», - دەدى ق.وسكەنباەۆ.
يدم مالىمەتىنشە, بيىل 1 توقساندا 2,9 ملن شارشى مەتر تۇرعىن ءۇي پايدالانۋعا بەرىلسە, بۇل وتكەن جىلدىڭ سايكەس كەزەڭىنەن 8,6% - عا جوعارى, 23 663 تۇرعىنجاي پايدالانۋعا بەرىلدى.
