جەدەل-ىزدەستىرۋ شارالارى بارىسىندا ۇرلىققا ايەلدىڭ تانىسىنىڭ قاتىسى بارى راستالدى. 39 جاستاعى جىگىت بۇرىن م ۇلىكتىك قىلمىس جاساعانى ءۇشىن 2004 جىلى سوتتى بولعان.
شارا بارىسىندا ول ۇستالىپ, قالاداعى لومباردتاردىڭ بىرىنە التىن بۇيىمداردى تاپسىرعان كەپىلدىك بيلەتى دە تابىلدى. ول التىن القا مەن مويىنعا اساتىن كىشكەنتاي كرەستى 75 مىڭ تەڭگەگە تاپسىرعان. قازىر بۇيىمداردى لومباردتان الۋ جوسپارلانۋدا. ال كۇدىكتىگە قاتىستى «ۇرلىق» بابى بويىنشا سوتقا دەيىنگى تەرگەۋ جۇرگىزىلۋدە.
«قازىر پاتەر ۇرلىقتارىنىڭ باسىم بولىگى بىرلەسكەن وتىرىستاردان سوڭ جاسالىپ جاتادى. سپيرتتىك ىشىمدىكتى اسىرا پايدالانۋدىڭ سوڭى ءتۇرلى زاڭ بۇزۋشىلىقتاردىڭ جاسالۋىنا اكەپ سوعاتىنىن ەستە ساقتاعان ءجون. تۇرعىنداردىڭ قۇندى زاتتاردى كورىنەتىن جەرگە تاستاماعانى ابزال», دەيدى ءبىرىنشى پوليتسيا ءبولىمىنىڭ باستىعى پوليتسيا پودپولكوۆنيگى تىلەگەن ءالجانوۆ.
