شاعىمدانۋشىلاردىڭ سۇراقتارى بالالار الاڭدارىنىڭ قۇرىلىسىنا, زارەچەنسكوە اۋىلىندا سۋ قۇبىرىن وتكىزۋگە, جامبىل كەنتىن گازداندىرۋعا قاتىستى بولدى. جەرگىلىكتى اتقارۋشى ورگاندار ءوتىنىش بەرۋشىلەرگە ناقتى مەرزىمدەر مەن ورىنداۋشىنى كورسەتە وتىرىپ, بارلىق ماسەلەلەردى شەشۋگە ۋادە بەردى. ءوز كەزەگىندە اگەنتتىك توراعاسىنىڭ ورىنباسارى ولاردىڭ ورىندالۋىن باقىلاۋعا الدى.
د.مالاحوۆ اۋليەكول اۋدانىنا دا بارادى دەپ جوسپارلانۋدا, وندا سەرۆيستىك اكىمدىكتىڭ جۇمىسىن تەكسەرىپ, فرونت-ءوفيستىڭ جۇمىسىمەن تانىسادى جانە ازاماتتاردى قابىلدايدى.
سونداي-اق اگەنتتىك توراعاسىنىڭ ورىنباسارى نۇرلان شابدار قاراعاندى وبلىسىنا ساپارى بارىسىندا وبلىستىق «Ashyq akimat» قىزمەتىمەن تانىستى. سىبايلاس جەمقورلىق تاۋەكەلدەرى تۇرعىسىنان ءوڭىردىڭ مادەني وبەكتىلەرىن قايتا قۇرۋ بارىسىنا جانە بيۋدجەت قاراجاتىن ءتيىمدى, ۇتىمدى پايدالانۋعا ەرەكشە نازار اۋدارىلدى.
ازاماتتاردى قابىلداۋ بارىسىندا ن. شابدار جەزقازعان قالاسى مەن ۇلىتاۋ اۋدانىنىڭ تۇرعىندارىمەن كەزدەستى. شاعىمدانۋشىلاردىڭ وتىنىشتەرى جەر تەلىمدەرىن بولۋگە, جاستاردى تۇرعىن ۇيمەن قامتاماسىز ەتۋگە جانە ت.ب. قاتىستى بولدى.
اگەنتتىك وكىلدەرى اۋداندار مەن قالالاردى ارالاۋمەن قاتار, اۋىلدار مەن كەنتتەردىڭ تۇرعىندارىمەن سىبايلاس جەمقورلىققا قارسى ساياساتتى ءتۇسىندىرۋ بويىنشا كەزدەسۋلەر وتكىزدى.
جالپى, بارلىق ءىس-شارالار سانيتارلىق-ەپيدەميالىق نورمالاردى ساقتاي وتىرىپ, كوبىنە ونلاين فورماتتا وتكىزىلۋدە.
